ShUǴYL: Jalalabadta qyrǵyzstandyq oppozıtsııanyń kóp adam qatysqan jıyny ótip jatyr
JALALABAD. 10 sáýir. QazAqparat - Búgin Qyrǵyzstannyń Jalalabad qalasynda birneshe oppozıtsııalyq partııa qazirgi respýblıkanyń Úkimetin otstavkaǵa ketý talabyna negizdelgen kóp adam qatysqan jıyn ótkizýde.
Oqıǵa ornyna barǵan tilshimizdiń bergen málimetine qaraǵanda, qalanyń ortalyq alańynda shamamen 4-5 myń turǵyn jınalǵan. Aktsııany oppozıtsııalyq partııa «Ata-Jurt» (Otchızna), «Bútin Qyrǵyzstan» (Edınyı Kyrgyzstan) jáne Qyrǵyzstannyń kommýnıster partııasy uıymdastyryp otyr.
Jogorký Kenesh depýtaty, «Ata-Jurt» fraktsııasynyń kóshbasshysy Kamchıbek Tashıev jergilikti BAQ-ǵa málim etkendeı, mıtıngige 10 myńnan astam jaqtastar jınaý josparlanýda. Degenmen shara beıbit túrde ótedi. Qyrǵyzstandyq oppozıtsııanyń negizgi talaptary - úkimettiń otstavkaǵa ketýi, sybaılas jemqorlyqpen kúres jáne prezıdenttik basqarý formasyna kóshý. Buǵan deıin de oppozıtsııa osyǵan uqsas aktsııany Qyrǵyzstannyń ońtústigindegi qalalarda, Oshta 1 naýryzda jáne Bátkende 31 mamyrda ótkizgen bolatyn.
