ShUǴYL: Vnýkovoda ushaq apatty jaǵdaıda jerge qondy, adam shyǵyny bar
ASTANA. 29 jeltoqsan. QazAqparat - Reseılik Red Wings áýekompanııasynyń Tý-204 ushaǵy máskeýlik Vnýkovo áýejaıynda apatty jaǵdaıda jerge qondy, dep habarlady RBK.
Laıner jerge qoný kezinde ushyp-qoný jolaǵynan shyǵyp ketip, otqa ornandy.
ІІM-niń bergen aqparatyna qaraǵanda, Chehııadan ushyp kele jatqan ushaqtyń bortynda 12 adam, onyń ishinde ekıpajdyń 4 múshesi men 8 jolaýshy bolǵan. Aldyn ala jasalǵan boljam boıynsha 2 adam kóz jumyp, 3-ýi zardap shekti.
TJM-nan habarlanǵandaı, tótenshe jaǵdaı oryn alǵan jerde 124 qutqarýshy men 12 tehnıka jumys isteýde. Apatty jaǵdaıda ushaq jerge qonǵan Kıev tas joly aýmaǵy eki jaqtan da jabyldy.
RF Premer-Mınıstri Dmıtrıı Medvedev Vnýkovoda bolǵan tótenshe jaǵdaıdy tekserý boıynsha komıssııa qurýdy tapsyrdy.
