ShUǴYL: Velojarystan Túrkııa týry aıaqtaldy, «Astana» shabandozy ekinshi orynda
ALMATY. 30 sáýir. QazAqparat - 29 sáýir kúni Ystambulda Túrkııa týry velododasynyń 121 shaqyrymdyq aqtyq 8-kezeńi ótti.
Onda úzdikter qatarynan kórinbegenmen, jalpy eseptegi kórsetkish boıynsha «Konya Torku Seker Spor» komandasynyń sportshysy bolgarııalyq Ivaılo Gabrovksıı 28:48:10 ýaqyt kórsetkishimen negizgi jiktelimde jeńimpaz atandy. Odan 1,33 sekýnd qalyp qoıǵan "Astana" veloklýbynyń shabandozy Aleksandr Dchenko ekinshi oryn aldy. Al Aleksandrdan 5 sekýndqa keshikken "Caja Rural" klýbynyń sportshysy Danaıl Andonov Petrov tuǵyrdyń úshinshi satysyna kóterildi.
16 komandadan 161 sportshy qatysqan dúbirli doda 22 sáýir kúni Alanııada bastalǵan bolatyn. Onda Qazaqstan namysyn Aleksandr Shefferdiń jetekshiligindegi qazaqstandyq Aleksandr Vınokýrov, Asan Bazaev, Aleksandr Dıachenko, Dmıtrıı Grýzdev, Valentın Iglınskıı, Evgenıı Nepomnıaşıı, Andreı Zeıts jáne ıtalıandyq ıAkopo Gýarnıerı qorǵady.
