ShUǴYL: V.Pýtın jańa Úkimettiń quramy týraly Jarlyqqa qol qoıdy
ASTANA. 21 mamyr. QazAqparat - RF Prezıdenti Vladımır Pýtın 21 mamyr kúni jańa Úkimettiń quramy týraly Jarlyqqa qol qoıdy, dep habarlaıdy RosBıznesKonsaltıng.
Buǵan deıin ol reseılik premer Dmıtrıı Medvedevpen kelisilgen bolatyn. Kemp-Devıdte ótken G8 sammıtinde Úkimet basshysy mınıstrler kabınetiniń tizimi onyń túbegeıli jańartylýy sebebimen uzaqqa sozylǵanyn atap ótti.
«Men árbir kandıdatpen kezdestim, barlyq Jarlyqtarǵa qol qoıdym. Sizderge tabys tilegim keledi. Qazir jańa quramdy jınap, taǵaıyndaýlar týraly jarııalaımyz», - dep málimdedi V.Pýtın búgin D.Medvedevpen Kremlde kezdesýi kezinde.
Úkimettegi qyzmetterin R.Nurǵalıev, I.Sechın, T.Golıkova, A.Fýrsenko, V.Zýbkov, taǵy basqalary bosatty.
Tótenshe jaǵdaılar mınıstrliginiń basshysy mınıstrliktiń burynǵy stats-hatshysy Vladımır Pýchkov boldy, dep málimdedi RF Prezıdenti, Úkimettiń jańa quramyn tanystyra otyryp. Buǵan deıin V.Pýchkov burynǵy mınıstr Máskeý oblysynyń gýbernatory bolyp taǵaıyndalǵannan keıin mınıstrdiń mindetterin atqaryp júrdi.
RF Іshki ister mınıstri bolyp Rashıd Nurǵalıevtiń ornyna RF ІІM-niń astanalyq basqarmanyń bastyǵy Vladımır Kolokoltsev taǵaıyndaldy.
Qorǵanys mınıstrliginiń basshysy Anatolıı Serdıýkov pen Ádilet mınıstrliginiń basshysy Aleksandr Konovalov, sondaı-aq SІM-niń basshysy Sergeı Lavrov, Sport mınıstri Vıtalıı Mýtko, Ónerkásip mınıstri Denıs Mantýrov jańa Úkimettegi qyzmetterin saqtap qaldy.
