ShUǴYL: V. Chelah óz qyzmettesterin óltirgendigin tolyǵymen moıyndap otyr - Bas áskerı prokýror
ASTANA. 13 maýsym. QazAqparat - V. Chelah óz qyzmettesterin óltirgendigin tolyǵymen moıyndap otyr. Bul týraly búgin brıfıng barysynda QR Bas áskerı prokýrory Erǵalı Merzadınov málim etti.
Qazirgi ýaqytta kópshilikti, onyń ishinde tergeýshilerdi de V. Chelahtyń jalǵyz ózi 15 adamdy óltirýi múmkin be, degen saýaldyń mazalaıtyndyǵyn atap ótken Bas áskerı prokýrordyń sózine qaraǵanda, ol advokattyń qatysýymen ótken alǵashqy tergeýde óziniń 14 shekarashy men kýá retinde ańshy sharýashylyǵynyń qoryqshysy Kımdi óltirgendigin moıyndaǵan.
«Ol óziniń jaýaptarynda qylmysty jasaǵandyǵyn moıyndady. V. Chelah oqıǵa ornynda jaýaptaryn qaıta tekserý barysynda qylmysty jasaýǵa kómekteskenderdiń jáne birge jasasqandardyń bolǵandyǵyn túbegeıli joqqa shyǵaryp otyr», - dedi E. Merzadınov.
