ShUǴYL: Ýkraınada qarýlanǵan bir top adam Qazaqstanǵa baǵyt alǵan KamAZdardy basyp aldy
ASTANA. QazAqparat - Jeksenbi kúni Ýkraınada Qazaqstanǵa baǵyt alǵan «KamAZ» avtomobılderiniń iri partııasyn qarýlanǵan bir top adam basyp aldy, dep habarlady «KamAZ» AAQ baspasóz qyzmetinen.
«Sońǵy eki aıda satylmaǵandyqtan, qajetti aınalymdy qamtamasyz etý maqsatynda jáne debıtorlyq boryshty qaıtarý úshin beısenbi kúni, 13 naýryzda Chernıgov (Ýkraına) qalasyndaǵy bizdiń saýda kompanııamyzdyń qoımasynan 50 avtomobıldi Astana qalasyndaǵy kompanııamyzǵa jiberý týraly sheshim qabyldandy», - dep jazylǵan habarlamada. Taratylǵan málimetterge qaraǵanda, juma kúni 14 naýryzda tıisti kelisimshartqa qol qoıylyp, Chernıgov qalasyndaǵy kedende kólikterdi tıisinshe rásimdedi. Senbi kúni Senkovka aýylyndaǵy shekara ótkeline 36 KamAZ avtomobıli jetkizildi. Olar «Tıtan» kúzet mekemesiniń qarýlanǵan tórt kúzetshisiniń qaraýynda turaqta qaldyryldy. Kóliktiń qalǵany bul jerge jeksenbi kúni tańerteń jetkizilýi tıis edi. Keıin barlyq partııa Naberejnye Chelny qalasynan kele jatqan júrgizýshilerge tapsyrylyp, Reseıde kútip turǵandarǵa jetkizilip, keıin Qazaqstanǵa jóneltý josparlanǵan. Alaıda sońǵy kolonnadaǵy 7 kólikti Chernıgov qalasynan shyǵarýǵa ózderin maıdannyń jaýyngerleri dep tanystyrǵan qarýlanǵan bir top adam (shamamen 10 adam) kedergi keltirdi. Qujattardy suraǵan olarǵa taýardyń Qazaqstanǵa eksporttalatynyn rastaıtyn deklaratsııa kórsetildi. Kúzet oqıǵa ornyna mılıtsııa jáne GAI ókilderin shaqyrdy. Belgisiz bireýler de kómekke 2 djıppen kelgen qarýlanǵan adamdardy shaqyrdy. Olardyń sózine qaraǵanda djıpterdegi adamdar da Kıev ókilderi. Kolonna alǵa qaraı qozǵalsa, oq jaýdyratynyn aıtyp qorqytqan dep jazyldy habarlamada. «Reseı Qyrymdaǵy bizdiń menshigimizdi ıelenýde, al biz olardyń kólikterin alamyz», - dep keltirdi belgisizderdiń sózin kompanııanyń baspasóz qyzmeti. Memlekettik menshikke jatpaıtyn kólikter Qazaqstanǵa jetkiziletini týraly sózderdi olar elemedi. Mılıtsııa qyzmetkerleri de, GAI ókilderi de qarýlanǵan adamdardan qorǵaı almady. Nátıjesinde 7 kólik belgisizderdiń baqylaýymen Chernıgov qalasyndaǵy qoımaǵa qaıtaryldy. Habarlamadaǵy aqparatqa sáıkes, keshke taman shekara ótkelinde turǵan taǵy 43 avtomobıldi de 60 shaqty qarýlanǵan adam basyp alǵany týraly habar kelip túsken.
