ShUǴYL: UBT 7 kúniniń nátıjesi: Eń joǵary baldy túlekterdiń úsheýi ǵana jınaı aldy
ASTANA. 8 maýsym. QazAqparat - Ulttyq biryńǵaı testileýdiń 7 kúniniń nátıjesi boıynsha synaqqa ótinim bergen 118 772 túlektiń 115 047-si qatysty.
Bul týraly QR Bilim jáne ǵylym mınıstrliginiń baspasóz qyzmetinen málim etti.
Erejelerdi birneshe márte buzǵany úshin 101 oqýshy synaq tapsyrýdan shettetildi.
Eń joǵary baldy túlekterdiń úsheýi ǵana jınaı aldy, olar - Astana qalasynan Ásel Qasyqova, Almatydan Kırıll Kım jáne Almaty oblysynan Ásem Aıdarova.
UBT-nyń 7 kúniniń nátıjesi boıynsha 100-den astam balǵa 10 511 túlek nemese barlyq tapsyrýshylardyń 9,1 paıyzy qol jetkizdi.
Eske salaıyq, Qazaqstanda UBT 1-15 maýsym aralyǵynda ótedi. Túlekterden emtıhandy qabyldaý úshin arnaıy 154 pýnkt jabdyqtaldy. 107 pýnkt aýdan ortalyqtary men qalalardaǵy mektep ǵımarattarynda ornalasty, al qalǵan 47-si oblys ortalyqtary men Astana jáne Almatydaǵy joǵary oqý oryndarynyń ǵımarattarynda jabdyqtaldy.
