ShUǴYL: UBT 4-kúniniń nátıjesi: 100-den astam baldy 8 myńnan astam túlek jınady
ASTANA. 6 maýsym. QazAqparat - Ulttyq biryńǵaı testileýdiń tórtkúndik nátıjesi boıynsha ótinim bildirgen 92 545 túlektiń 89 367-si testileýge qatysty.
Bul týraly QR Bilim jáne ǵylym mınıstrliginiń baspasóz qyzmetinen málim etti.
Tórt kún ishinde erejeni birneshe márte buzǵan 65 túlek synaq tapsyrý zalynan shyǵaryldy. 100-den joǵary baldy 8 254 adam jınady. Al eń joǵary kórtkishke 2 túlek - Astana qalasynan Ásel Qasyqova men Almatydan Kırıll Kım ǵana qol jetkize aldy.
Ulttyq testileý ortalyǵynyń basqarma bastyǵy Darhan Jaqsybekovtyń aıtýynsha, UBT qalypty rejimde ótýde, tehnıkalyq isten shyǵýlar oryn alyp jatqan joq. Alǵashqy nátıjeler saǵat 15.00-16.00-de alynyp otyrady. Testileýdi ótkizetin birqatar pýnkt synaqtan ótýshilerdiń úshinshi legin qabyldaýda. Keshe UBT-ny qabyldaıtyn 28 pýnkt jumys istese, búgin olardyń sany 23-ke qysqarady jáne olardyń sany budan ári de azaıa beretin bolady. Sebebi túlekterdiń negizgi legi emtıhandardy tapsyrýdy aıaqtady.
Aıta keteıik, UBT 1-15 maýsym aralyǵynda arnaıy jabdyqtalǵan 154 pýnktte ótip jatyr. 107 pýnkt aýdan ortalyqtary men qalalardaǵy mektep ǵımarattarynda ornalasqan, al qalǵan 47-si oblys ortalyqtary men Astana jáne Almatydaǵy joǵary oqý oryndarynyń ǵımarattarynda jabdyqtaldy.
