ShUǴYL: Túrkimenstan Prezıdentiniń jarlyǵymen túrmeden shyqqan 7 qazaqstandyq birneshe saǵattan soń elde bolady
Eske sala ketsek, 2012 jylǵy 19 qazan kúni Túrkimenstan shekara qyzmeti Qazaqstannyń 7 azamatyn ustap, olarǵa memlekettik shekarany zańsyz kesip ótti degen aıyp taǵylǵan edi. Onyń ishindegi 4 azamat - Mańǵystaý oblystyq Іshki ister departamenti kóshi-qon polıtsııasynyń qyzmetkerleri.
Keıinnen Túrkimenstanda ustalǵan Qazaqstan Respýblıkasynyń 7 azamatyna qatysty sot otyrysy ótip, sol eldiń Qylmystyq kodeksiniń 214 baby boıynsha (memlekettik shekarany zańsyz kesip ótý) túrkimen soty Qazaqstannyń bir azamatyn 8 jylǵa, qalǵandaryn 7 jylǵa bas bostandyǵynan aıyrǵan edi.
«Biz osyǵan deıin málimdegendeı, bul másele QR Syrtqy ister mınıstrliginiń turaqty qatań baqylaýynda bolyp, atalǵan tulǵalardy bosatýǵa yqpal jasaý maqsatynda barlyq dıplomatııalyq quraldar kesheni qoldanyldy. Nátıjesinde, Túrkimenstan Syrtqy ister mınıstrligi basshylyǵymen tikeleı ornatylǵan kelissózder jáne Qazaqstannyń Ashhabattaǵy Elshiliginiń salǵan kúsh-jigeri arqasynda 2013 jyldyń 15 aqpanynda Túrkimenstan Prezıdenti Gýrbangýly Berdimuhamedovtyń jarlyǵymen atalǵan azamattarǵa raqymshylyq jarııalanǵanyn habarlaımyz», - dedi resmı ókil. Onyń aıtýynsha, qazirgi ýaqytta Qazaqstan azamattary Túrkimenstandaǵy Qazaqstan Elshiliginiń Konsýlymen birge Túrkimenbashy qalasynan shyǵyp ketti. Konsýl olarmen birge qazaq-túrikmen shekarasyndaǵy «Temirbaba» baqylaý-ótkizý pýnktine deıin erip baratyn bolady.
«Osy múmkindikti paıdalana otyryp túrkimendik tarapqa túsinistik tanytyp, bizdiń azamattarymyzdy bosatýǵa yqpal jasaǵandary úshin alǵys bildiremiz. Aldaǵy ýaqytta da qazaqstandyq-túrkimendik shekara dostyq jáne tatýlyq shekarasy bolyp qala beredi dep senemiz», - deıdi J. Úsenov.
