ShUǴYL: Túnde Tarazda kópqabatty úı órtenip, 300 adam qaýipsiz jerge kóshirildi, zardap shekkender bar
ASTANA. 22 aqpan. QazAqparat - Búgin, túngi saǵat úsh shamasynda Taraz qalasyndaǵy bes qabatty kóppáterli turǵyn úıdiń úshinshi qabatynda ornalasqan páterde órt boldy.
QR TJM-nen habarlaǵandaı, 30 sharshy metr aýmaqqa taraǵan jalyn bir saǵatta sóndirildi. Onymen kúreske QR TJM Jambyl oblystyq TJD órt sóndirý qyzmetiniń 18 adamy men 5 tehnıkasy jumyldyryldy.
Málim bolǵandaı, 22 adam qutqarylyp, 300 adam qaýipsiz jerge kóshirildi. Kúıik jaraqattaryn alǵan eki adam, ıis tıip ýlanǵan 72 jastaǵy er adam men tórt bala, sonyń ishinde náreste aýrýhanaǵa jetkizildi.
