ShUǴYL: «Terisaıryq» shekara beketinde 11 áskerı qyzmetshini soqqyǵa jyqqandar sottaldy
ASTANA. 23 qazan. QazAqparat - «Terisaıryq» shekara beketinde áskerı qyzmetshilerdi soqqyǵa jyqqandar sottaldy. dep habarlady QR Bas áskerı prokýratýrasynyń baspasóz qyzmeti.
2012 jyldyń 18 qazanynda Semeı garnızonynyń áskerı soty «Terisaıryq» shekara beketiniń bastyǵy aǵa leıtenant A.B. Hamıtovqa, aǵa tehnık kelisim-shart boıynsha aǵa serjant J.O. Qajenovqa jáne osy shekara beketiniń dabyl jáne baılanys bólimshesiniń komandıri kelisim-shart boıynsha kishi serjant E.Ý. Turdyǵulovqa qatysty úkim shyǵaryldy.
Tergeý organy olarǵa merzimdi qyzmettegi 11 áskerı qyzmetshige zorlyq-zombylyq jasady degen aıyp taqqan. Zorlyq-zombylyq jasaý nátıjesinde áskerı qyzmetshiler shekara beketin tastap ketken, al memlekettik shekarany qorǵaýdy qamtamasyz etý boıynsha tapsyrmanyń oryndalmaýyna ákep soqtyrǵan sottalýshylardyń qylmystyq isteri memleket qaýipsizdigine aıtarlyqtaı nuqsan keltirdi.
Áskerı sot sottalýshylarǵa taǵylǵan aıyptardy quptap, olarǵa mynadaı jazalardy taǵaıyndady:
Hamıtovqa - 3 (úsh) jylǵa bas bostandyǵynan aıyryp jazasyn jalpy rejımdegi túzeý kolonııasynda óteý;
Turdyǵulovqa - 7 (jeti) jylǵa bas bostandyǵynan aıyryp jazasyn jalpy rejımdegi túzeý kolonııasynda óteý;
Qajenovqa - 7 (jeti) jylǵa bas bostandyǵynan aıyryp jazasyn jalpy rejımdegi túzeý kolonııasynda óteý.
