ShUǴYL: Temirtaýda káriz qudyǵyna túsip ketken 4 jasar bala qutqaryldy
QARAǴANDY. 2 maýsym. QazAqparat - Qaraǵandy oblysyndaǵy Temirtaý qalasyndaǵy taǵy bir bala káriz qudyǵyna qulap ketti, ony kezdeısoq ótip bara jatqan adam qutqaryp qaldy. Bul týraly oblystyq ІІD habarlady.
«Temirtaýda 1 mamyr kúni Chaıkovskıı kóshesi men Respýblıka dańǵyly qıylysyndaǵy káriz qudyǵyna 4 jasar bala qulap ketti. Balany «jedel járdem» júrgizýshisi bolyp jumys isteıtin ótip bara jatqan er adam qutqaryp qaldy», - dep málim etti oblystyq ІІD.
Polıtseılerdiń málimetine qaraǵanda, bala zaqymdanbaǵan, biraq qorqyp ketken.
Bul fakti boıynsha qazir tekserý júrgilip jatyr. Oqıǵadan keıin qudyqtyń qaqpaǵy jabylǵan.
«Bala aýlada oınap júrgen, Respýblıka dańǵylynda attardy kórip, jaqynyraq kórý úshin jaıaýsoqpaqtan kógalǵa shyqqanda qudyqqa qulap ketken», dep mán-jaıdy habarlady polıtsııa qyzmetkerleri.
Temirtaýda tekserý barysynda 381 qudyqtyń qaqpaǵy bolmaǵan. Kommýnaldyq qyzmet ókilderiniń aıtýynsha, qalada barlyǵy osyndaı 8500 káriz qudyqtary bar.
Eske sala keteıik, Temirtaýda buǵan deıin 24 mamyrda keshke qaraı Metallýrgter dańǵylyndaǵy káriz qudyǵyna 2 jastaǵy Egor Hmıl qulap ketip, onyń denesi 2 kúnnen keıin tabylǵan bolatyn.
Balanyń qazasyna baılanysty QR QK-niń 232 baby boıynsha (Óz mindetterine jaýapsyzdyq úshin) qylmystyq is qozǵaldy.
Temirtaý turǵyndary qaza tapqan Egordi eske alyp, «Sary sharlar, sary lantalar» aktsııasyn ótkizdi. Qalada «Ashyq qudyq» bastamashyl toby quryldy, ol qaladaǵy qaýipsizdikke baqylaý ornatý maqsatynda qoǵamdyq birlestik qurmaq.
