ShUǴYL: Temirtaýda káriz qudyǵyna qulap ketken 2 jasar balanyń múrdesi tabyldy
ASTANA: 26 mamyr. QazAqparat - Temirtaýda káriz qudyǵyna qulap ketken 2 jasar balanyń múrdesi tabyldy. Bul týraly «Oqjetpes» JShS-niń baspasóz hatshysy Anna Skıdanenko málim etti.
«Óskemennen shaqyrylǵan súńgýirler búgin fekal sorǵysh stansany tekserip shyqty. Nátıjesinde batyp ketken 2 jasar sábıdiń denesi tabyldy», - dedi ol.
Esterińizge sala keteıik, tótenshe jaǵdaı 24 mamyr kúni Temirtaý qalasynyń Metallýrgter dańǵylynda oryn aldy. 2 jasar bala káriz qudyǵyna qulaǵan. Káriz júıesine qyzmet kórsetetin «Okjetpes» JShS-niń arnaıy tehnıkasynyń kómegimen 400 m dıametrdegi 1500 metrlik kollektor tekserildi. Alaıda bul eshqandaı nátıje bermegen edi. Kýágerlerdiń aıtýynsha, anasymen qydyryp júrgende 2 jasar Egor Hmıl lıýktyń qaqpaǵyn baıqaýsyzda basyp ketip, káriz qudyǵyna qulaǵan. Onyń anasy balanyń sońynan sekirgen, alaıda 25 jasar áıel ulyn sýdan taba almady. Kóshede ótip bara jatqan kisiler onyń qudyqtan shyǵaryp aldy.
