ShUǴYL: Tájikstan - Horog qalasyndaǵy qaqtyǵystar barysynda 200-den astam adam qaza boldy
ASTANA. 24 shilde. QazAqparat - Tájikstannyń Horog qalasynda general Ablýllo Nazarovtyń ólimine qatysy bar qylmyskerlerdi ustaý boıynsha arnaıy operatsııa ótip jatqan jerden úkimet áskeriniń aýyr jaralanǵan sarbazdaryn Dýshanbeniń áskerı
aýrýhanasyna jetkizý jalǵastyrylýda. Bul týraly Bı-Bı-Sı habarlady.
Bastapqyda qaza bolǵan 9 jáne jaralanǵan birneshe adam týraly habarlanǵan bolatyn. Alaıda qazir 100 áskerı qyzmetkerdiń qaza bolǵany jaıly aqparat kelip túsýde, sondaı-aq kem degende 100 beıbit turǵyn óltirilgen. Taýly Badahshanda osy ýaqytqa deıin baılanystyń barlyq túrleri toqtap tur.
Bı-Bı-Sıdiń Orys qyzmeti spýtnıktik telefon arqyly habarlasqan kýágerlerdiń málimdeýlerinshe, qala turǵyndarynda úreı týa bastaǵan, memlekettik mekemeler men ortalyq bazarlar jáne dúkender jumys istemeı tur.
Máskeýde Tájikstannyń elshiligi aldynda Taýly-Badahshan avtonomdy oblysynyń týmalary - etnıkalyq pamırlerdiń ruqsat etilmegen mıtıngi ótýde. Jınalǵandar shuǵylarada jaýyngerlik áreketterdi toqtatýdy jáne Taýly Badahshannan áskerdi shyǵarýdy talap etýde. Narazylyq aktsııaǵa qatysýshylar taratqan habarlamaǵa qaraǵanda, elshilikke OMON áskerlerimen birge kólik keldi, olar ereýildeýshilerdi taratýǵa tyrysyp jatyr. Máskeýde turatyn Taýly Badahshannyń týmalary sársenbi kúni taǵy da keń aýqymdy narazylyq aktsııasyn ótkizýge ruqsat almaq nıette.
Horogtan kelip túsken aqparat boıynsha, arnaıy operatsııanyń barysynda Pamırdiń saıası emes kóshbasshysy jáne burynǵy dala komandıri Edgor Shomýsalamov jáne onyń uly Tolıbek Aıembekov óltirildi. Aıta keteıik, bılik ókilderi olardy resmı túrde arnaıy qyzmettiń generaly Abdýllo Nazarovtyń ólimine kináli dep tanydy.
Resmı málimetter boıynsha, arnaıy qyzmettiń generaly Abdýllo Nazarovtyń ólimine tájistandyq oppozıtsııanyń burynǵy dalakomandıri Tolıbek Aembekov jáne «Ishkashım» shekara jasaǵy komandıriniń basshylyǵymen zańsyz qarýlanǵan top aıyptalyp otyr. Habarlanǵandaı, ol óz erkimen berilip jáne qarýly kúsh qoldanýdan bas tartqan.Ol sondaı-aq esirtki jáne qundy zergerlik buıymdar kontrabandasyna aıyptalýda, al onyń qarýly toby qaraqshylyqqa aıyptalyp otyr.
Dýshanbe- Horog kólik joly jabyldy.
Taýly Badahshan - eldiń kedeı aýdardardyń biri, onda jumyssyzdyq pen jappaı kóship-qoný kórsetkishteri óte joǵary.
