ShUǴYL: Shyńjańda táýlik ishinde 6 ret jer silkindi, jerasty dúmpýler Almaty oblysynda tirkeldi
BEIJІŃ. 19 aqpan. QazAqparat - QHR Shyńjań-Uıǵyr avtonomdyq aýdanynyń túrli oblystarynda bir táýliktiń ishinde magnıtýdasy 3,0-den 4,6-ǵa deıin alty jer silkinisi boldy, dep habarlaıdy qytaılyq seısmologııalyq ortalyǵynan.
Magnıtýdasy 4,6 bolǵan eń qatty sezilgen jerasty dúmpýi dúısenbi, 18 aqpan kúni Beıjiń ýaqyty boıynsha saǵat 21:00-de Qyrǵyzstanmen shekara mańynda, 40,2 gradýs soltústik boılyq jáne 77,8 gradýs shyǵys endik koordınattaryndaǵy QHR ShUAA Qyzylsý-Qyrǵyz avtonomdyq oblysynyń Artýsh qalasynda 10 shaqyrym tereńdikte tirkeldi.
Jarty saǵat ótken soń qytaılyq seısmologtar QHR ShUAA Qyzylsý-Qyrǵyz avtonomdyq oblysynyń Artýsh qalasynda kúshtiligi 3,3 ball bolǵan taǵy bir jer silkinisin tirkedi.
Seısenbi, 19 aqpan kúni Beıjiń ýaqyty boıynsha 05:24-te shyńjańdyq Artýsh qalasynda magnıtýdasy 4,6 taǵy bir jer silkinisi boldy. Jerasty dúmpýi dál sondaı koordınattarmen, 12 shaqyrym tereńdikte tirkeldi. Bir saǵattyń ishinde Artýsh qalasynda kúshtiligi 3,0 ball jer silkinisi qaıtalandy.
Buǵan deıin, 18 aqpan kúni Shyńjańnyń ońtústigindegi Qashǵar jáne Týrfan okrýgterinde magnıtýdasy 3,3 jáne 3,1 eki jer silkinisi bolǵan edi.
Qaza tapqandar, zardap shekkender jáne qıratýlar týraly málimetter kelip túsken joq.
Qytaılyq seısmologııalyq ortalyqtyń aqparatynsha, búgin Qazaqstanda Beıjiń ýaqyty boıynsha saǵat 08:36-da magnıtýdasy 3,8 jer silkinisi boldy. Jerasty dúmpýler Qazaqstannyń Almaty oblysynda 42,6 soltústik boılyq jáne 79,6 shyǵys endik koordınattarymen, 10 shaqyrym tereńdikte tirkeldi.
