Shuǵyl sheshimdi talap etedi - Prezıdent Almatynyń ekologııasy jóninde
ALMATY. QazAqparat – Almatynyń jylý elektr ortalyqtaryn gazǵa kóshirý zııandy shyǵaryndylar deńgeıin 10 eseden astamǵa tómendetedi. Bul týraly búgin Almaty jurtshylyǵymen kezdesý barysynda Memleket basshysy Qasym-Jomart Toqaev aıtty, dep habarlaıdy QazAqparat BORT N1 Telegram-arnasyna silteme jasap.
«Qorshaǵan orta azamattardyń densaýlyǵy men ómir súrý uzaqtyǵyna tikeleı áser etedi. Sondyqtan, ekologııa máselesi únemi nazarymda bolady. Almatylyqtardy aýa lastanýynyń eń joǵary deńgeıi qatty alańdatatynyn bilemin. Bul problema qalalyqtar úshin eń basty razrıadtardyń birine aınaldy ári shuǵyl sheshimdi talap etedi», - dedi QR Prezıdenti.
Memleket basshysynyń dereginshe, jyl saıyn atmosferaǵa lastaýshy zattardyń taralýy shamamen 125 myń tonnany quraıdy. Lastaýshylardyń qatarynda avtokólikter, qalalyq JEO, ónerkásip kásiporyndary jáne gaz tartylmaǵan jeke turǵyn úıler bar. Ahýaldy jappaı salynyp jatqan qurylys nysandardy da kúrdelenidirip otyr.
«Jol-kólik júıesiniń tıimdiligin arttyrý arqyly qala ekologııasyn aıtarlyqtaı jaqsarta alamyz. Jańa tehnologııalar men aqyldy trafıkterdiń arqasynda azamattardyń utqyrlyǵy qorshaǵan ortaǵa teris áser etpeıtin bolady. Ákimdik qaladaǵy ekologııalyq qaýipsizdik normasynyń saqtalýyn, ásirese ónerkásip kásiporyndarynda saqtalýyn qatań qadaǵalaýy tıis. JEO-2 men JEO-3-ti gazǵa kóshirý zııandy shyǵaryndylar deńgeıin 10 eseden astamǵa tómendetedi», - dedi Qasym-Jomart Toqaev.
