ShUǴYL: Shahter - Qazaqstan kýbogynyń ıegeri
ASTANA. 10 qarasha. QazAqparat - «Astana-Arena» stadıonynda ótken Qazaqstan kýbogynyń aqtyq synynda qaraǵandylyq «Shahter» «Tarazdy» tize búktirip, el kýbogynyń ıegeri atandy.
Qazaqstan kýbogy kenshiler úshin keler jyly eýrokýboktarda óner kórsetýge joldama alýdyń sońǵy múmkindigi edi. Bıylǵy jyly qaraǵandylyqtar Eýropada tolaǵaı tabystarǵa qol jetkizgeni barshamyzǵa aıan. Elbasy Nursultan Nazarbaevtyń kóz aldynda namysqa tyrysqan «Shahter» sol múmkindikti múlt jibermedi. Sondaı-aq matchty tamashalaýǵa ÝEFA basshysy Mıshel Platınıdiń de kelgenin atap ótý qajet.
Match 1:0 esebimen aıaqtaldy. Jalǵyz doptyń avtory - Qazaqstan quramasynyń shabýylshysy Sergeı Hıjnıchenko.
Búgingi matchta el kýbogymen qatar kenshiler 2014/2015 jyldardaǵy maýsymda Eýropa lıgasyna joldama utyp aldy.
«Taraz» - «Shahter» 0:1 (0:0)
Gol: Hıjnıchenko 53 (0:1).
