ShUǴYL: Seýl KHDR-da ıadrolyq jarylys bolǵany jóninde habarlady - BUU-nyń dıplomaty
ASTANA. 12 aqpan. QazAqparat - Ońtústik Koreıa KHDR-da ıadrolyq jarylys bolǵany jónindegi aqparatty qýattady, dep málimdedi BUU Qaýipsizdik keńesi qyzmetkerleriniń biri. Bul týraly Bı-Bı-Sı habarlady.
«Ońtústik Koreıa bizdi ıadrolyq synaq ótkizilgeni týraly habardar etti», - dep habarlady derekkóz Reuters agenttigine.
Japonııa seısenbi kúni tańerteń bolǵan jerasty dúmpýler ıadrolyq synaýdyń saldarynan oryn alǵanyna senimdi.
«Biz bul turǵyda Koreıa Halyq Demokratııalyq Respýblıkasy burynǵy tájirıbeni eskere otyryp, synaý jumystaryn ótkizdi dep senemiz», - dedi jýrnalısterge Japonııa mınıstrler kabınetiniń bas hatshysy Esıhıde Sýga.
Sarapshylardyń aıtýynsha, 2006 jáne 2009 jyldary jasalǵan synaýlar kezinde oqtumsyqty toltyrý úshin plýtonııdi qoldanǵan, alaıda keıbireýleri Phenıan joǵary deńgeıde baıytylǵan ýran óndirisiniń baǵdarlamasyn jasaýda dep sanaıdy.
