ShUǴYL: Serik Sápıev pen Rýslan Myrzataev Azııanyń úzdik boksshylary tanyldy
ASTANA. 28 jeltoqsan. QazAqparat - 27 jeltoqsan kúni Azııa boks konfederatsııasy ASBC-2012 jyl saıynǵy syılyǵynyń jeńimpazdaryn jarııalady.
Bul týraly «Astana Sport» sporttyq basylymy jazdy. Úzdikterdiń qatarynda qazaqstandyq bylǵary qolǵap sheberleri de bar, Serik Sápıev pen Rýslan Myrzataevtyń kandıdatýralary úshin biraýyzdan daýys berildi.
2012 jylǵy Olımpıada chempıony, Vel Barker Kýbogynyń ıegeri Serik Sápıev «Jyl boksshysy» bolyp tanyldy, al «Astana Arlans» klýbynyń sportshysy, Búkilálemdik boks serııasynyń jekelegen álem chempıonatynyń fınalısi Rýslan Myrzataev Azııadaǵy «WSB-tiń úzdik boksshysy» atandy.
Al Qazaqstannyń boks federatsııasy «Jyldyń úzdik Ulttyq federatsııasy» dep tanyldy. Sondaı-aq «Astana Arlans» kásipqoı boksshylar klýbynyń taǵy bir ókili, London Olımpıadasyna qatysýshysy ırandyq legıoner Ehsan Roýzbahanı «Jyl jańalyǵy» atalymynda jeńimpaz boldy.
