ShUǴYL: Semeıde týǵan ýkraındyq boksshy Vladımır Klıchko Máskeýde Aleksandr Povetkınge alǵashqy jeńilis dámin tattyrdy
ASTANA. 6 qazan. QazAqparat - Ýkraındyq boksshy Vladımır Klıchko Máskeýdegi "Olımpııskıı" sport kesheninde ótken reseılik Aleksandr Povetkınmen tıtýldyq jekpe-jekte jeńiske jetti, dep habarlady reseılik "Jańalyqtar" agenttigi
Jekpe-jek 37 jastaǵy Klıchkonyń upaı sany boıynsha jeńisimen aıaqtaldy.
Bul 34 jastaǵy Povetkınniń alǵashqy jeńilisi boldy. Budan buryn reseılik boksshy 26 urys (onyń ishinde 18-in nokaýtpen) ótkizip, birde-bir ret jeńilis dámin tatpaǵan edi. Vladımır Klıchko 61 ret jeńiske jetip (51-in merziminen buryn) úsh ret qana jeńilgen.
Atap óterligi, ýkraındyq boksshy Vladımır Klıchko Semeıde dúnıege kelgen bolatyn. Qazaqstandyq boks jankúıerleri bás tigip, jekpe-jektiń Klıchkonyń jeńisimen aıaqtalaryn boljaǵan bolatyn.
