ShUǴYL: Saryshunaq aıazdarǵa baılanysty Astanada apta sońyna deıin sabaqtar bolmaıdy

Bul týraly "169" anyqtama qyzmetinen habarlady. Osy ýaqytta Astanada -31 gradýs aıaz. 

Sondaı-aq QR TJM-niń málimetine sáıkes, aýa temperatýrasynyń tómen bolýyna baılanysty, qala mektepterinde 12, 13, jáne 14 jeltoqsan kúnderi birinshi jáne ekinshi aýysymda oqıtyn 1-4 synyp oqýshylary úshin sabaqtar bolmaıdy.

Eske salaıyq, oqý jylynyń qysqy kezeńinde oqýshylardyń  qaýipsizdigi men densaýlyǵyn saqtaý maqsatynda  1-4 synyptarda aýanyń temperatýrasy -25 gradýs jáne odan tómen bolǵanda; 1-9 synyptarda aýanyń temperatýrasy -30 gradýstan tómen bolǵanda; 1-11(12) synyptarda, kásiptik lıtseılerde, kolledjderde (1-2 kýrs oqýshylary úshin)  - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.     

Sabaqty toqtatý týraly aqparat:

- «31 - kanal»  teledıdar arnasynyń júrgirtpe jolynda saǵat 6.30-ten 8. 00-ge deıin (birinshi aýysym úshin) jáne 12.15-ten 13.00-ge deıin (ekinshi aýysym úshin) beriledi;

- sondaı-aq sabaqty toqtatý týraly aqparatty 118-01 (9. 00 den - 18. 00 ge deıingi aralyqta), 169 (aqyly) qyzmeti telefondarynan alýǵa bolady.

- ata- analar úshin balalary oqıtyn mekteptiń kezekshi telefonyna, synyp jetekshisine, mektep ákimshiligine  habarlasýǵa bolady.