ShUǴYL: Sarshunaq aıazǵa baılanysty elimizdiń 5 oblysynyń aýmaǵyndaǵy respýblıkalyq joldar jabyldy - «Qazaqavtojol» RMK
ASTANA. 13 jeltoqsan. QazAqparat - Sarshunaq aıazdyń saldarynan elimizdiń 5 oblysynyń aýmaǵyndaǵy respýblıkalyq joldar jabyldy. Bul týraly búgin «Qazaqavtojol» RMK-nyń baspasóz qyzmeti habarlady.
Atap aıtqanda, saǵat 18:00-den bastap aýa temperatýrasynyń kúrt tómendeýine baılanysty Pavlodar oblysy boıynsha barlyq baǵyttarda avtokóliktiń barlyq túrleri úshin jol qozǵalysyna tyıym salyndy.
Qaraǵandy oblysy boıynsha, saǵat 15:00-den bastap "Qyzylorda-Pavlodar" jolynyń 1069-1135 shaqyrymyndaǵy "Molodejnyı-Pavlodar oblysy shekarasy" aralyǵynda qoǵamdyq, júk jáne dızel otynymen júretin avtokólikter úshin jol jabyldy.
Budan bólek, saǵat 17:00-den bastap aýa temperatýrasynyń kúrt tómendeýine baılanysty Shyǵys Qazaqstan oblysy boıynsha barlyq baǵyttarda qoǵamdyq jáne dızel otynymen júretin avtokólikterdiń qozǵalysyna tyıym salyndy.
Sonymen qatar saǵat 18:30-dan bastap "Omby-Maıqapshaǵaı" a/j 587-733 shaqyrymy "Pavlodar obl shekara-Semeı q" aralyǵynda avtokóliktiń barlyq túrleri úshin jol qozǵalysyna tyıym salyndy.
Al Almaty oblysy aýmaǵynda saǵat 17:00-den bastap aýa temperatýrasynyń kúrt tómendeýine baılanysty "Almaty-Óskemen" jolynyń 558-615 shaqyrymyndaǵy "Rýbej beketi- Shyǵys Qazaqstan oblysy shekarasy" aralyǵynda qoǵamdyq dızel otynymen júretin avtokóliktiń qozǵalysyna shekteý engizildi.
Munymen qosa, saǵat 19:00-den bastap aýa temperatýrasynyń kúrt tómendeýine baılanysty Aqmola oblysy boıynsha barlyq baǵyttarda qoǵamdyq, júk jáne dızel otynymen júretin avtokóliktiń túrleri úshin jol jabyldy.
