ShUǴYL: S.Batyrhanovanyń ata-anasynan oqýǵa ketken shyǵyndy memleketke qaıtarý talap etilmeıdi - QR BǴM
ASTANA. 9 sáýir. QazAqparat - «Bolashaq» baǵdarlamasy aıasynda bilim alyp júrip, shetelde adam qolynan qaza tapqan Saǵynaı Batyrhanovanyń ata-anasynan oqýǵa ketken shyǵyndy memleketke qaıtarý talap etilmeıdi.
Bul týraly búgin QR Bilim jáne ǵylym mınıstrligi Strategııalyq josparlaý jáne aqparattyq tehnologııalar departamenti dırektorynyń orynbasary Aqerke Abylaıhan málim etti.
«Saǵynaıdyń ózi bolmasa da artynda qalǵan kózi retinde uly Manýel elge oraldy. Bilim jáne ǵylym mınıstrligi tarapynan Saǵynaıdyń áke-sheshesiniń Avstralııada ótken sot protsesine baryp qatysýyna, jol qarajatyna, turǵylyqty jerlerine 2 mln. 380 teńge kóleminde qarjy bólindi. Sonymen qatar Grıffıt ýnıversıteti olardyń tamaqtanýyna aptasyna 1 myń dollardan aqsha tólep otyrdy», - dedi ol.
Onyń paıymynsha, qyz balalardy 20 jasqa tolǵanǵa deıin shet elge jiberý qajet emes.
Esterińizge sala keteıik, 1989 jyly týylǵan Qazaqstan azamatshasy Saǵynaı Batyrhanova Grıffıt ýnıversıtetiniń birinshi kýrsynda bilim alatyn. Kúdikti - Batyrhanovanyń azamattyq nekedegi taılandtyq jubaıy polıtsııa qolyna túsip, ony óltirgendigin moıyndady.
