ShUǴYL: Rýmynııadan Qazaqstanǵa «ALUA Terminal» JShS burynǵy bas dırektory ekstradıtsııalandy
ASTANA. 9 sáýir. QazAqparat - Bas prokýratýranyń usynysy boıynsha 7 sáýirde Býharesten Almatyǵa Qazaqstan azamaty Renat Qarasartov ekstradıtsııalandy.
QR Bas prokýratýrasy baspasóz qyzmetiniń habarlaýynsha, ol Qazaqstan Respýblıkasy Qylmystyq kodeksiniń 209-baby 3-bóliginiń «b» tarmaǵymen (uıymdasqan toppen jasalǵan ekonomıkalyq kontrabanda) qarastyrylǵan qylmysty jasaǵany úshin izdeýde júrgen bolatyn.
33 jastaǵy Qarasartov «ALUA Terminal» JShS bas dırektory bola júrip, 2005 jyly «Qorǵas» keden beketi jáne ózi basqaratyn mekeme qyzmetkerlerinen quralǵan qylmystyq toptyń quramynda deklaratsııa jasamaı nemese durys emes deklaratsııalaı otyryp, Respýblıkanyń kedendik shekarasy arqyly iri kólemdegi taýarlar partııasyn kontrabandalyq jolmen alyp ótken.
Rýmynııanyń ekstradıtsııalaý týraly oń sheshimi bizdiń memleketter arasynda qylmystyq ister boıynsha quqyqtyq kómek kórsetý salasyndaǵy tıisti halyqaralyq kelisimderdiń bolmaýyna qaramastan, ózara kelisim qaǵıdasymen júzege asty. Buryn osy qaǵıda negizinde Ispanııa, Portýgalııa, Shvetsııa bılikteri jasyrynyp júrgen bizdiń elimizdiń azamattaryn bergen bolatyn. Osy faktilerdi qazaqstan-eýropalyq quqyqtyq yntymaqtastyǵy keńeıýiniń kýási, adamdardyń quqyqtary men bostandyqtaryn qorǵaýdyń kepildigin qamtamasyz etý máselelerindegi Qazaqstan quqyqtyq júıesine senimniń artýy retinde baǵalaýǵa bolady.
Qazirgi ýaqytta tergeý júrgizilýde.
