ShUǴYL: Reseılik hokkeıshiler mingen ushaq elorda áýejaıyna apatty jaǵdaıda qondy
ASTANA. QazAqparat - Astana áýejaıyna reseılik hokkeıshiler mingen ushaq apatty jaǵdaıda qondy. Bul týraly QazAqparat tilshisiniń saýalyna oraı Astana halyqaralyq áýejaıynyń baspasóz qyzmetinen habarlady.
«25 aqpan kúni saǵat 23.49-da Qaraǵandy-Perm baǵyty boıynsha 9652 reısimen ushyp bara jatqan "Center South" avıakompanııasynyń (Reseı) TÝ-134 jolaýshylar ushaǵy qozǵaltqyshynyń isten shyǵý saldarynan Astana áýejaıyna apatty jaǵdaıda qondy»,- delingen habarlamada.
Ushaq bortynda («Molot» hokkeı komandasy) 31 jolaýshy men 12 ekıpaj múshesi bolǵan. Eshkim zardap shekken joq.
«Áýejaıdyń barlyq qyzmetteri daıyndyq rejimine kóshirildi. Qazirgi ýaqytta qozǵaltqyshtyń isten shyǵý sebebin anyqtaý úshin tergeý amaldary júrgizilýde. 26 aqpan kúni aqaýy bar ushaqtyń barlyq jolaýshylary «Eır Astana» avıakompanııasynyń turaqty reısimen Máskeýge attanyp ketti», - delingen aqparatta.
