ShUǴYL: Premer-Mınıstr men onyń orynbasarlarynyń mindetteri aıqyndaldy
ASTANA. 28 qyrkúıek. QazAqparat - 27 qyrkúıek kúni QR Premer-Mınıstri Serik Ahmetov «Premer-Mınıstr men onyń orynbasarlarynyń arasynda mindetterdi bólý týraly» № 185-r ókimine qol qoıdy.
Bul týraly Úkimet basshysynyń baspasóz qyzmetinen málim etti.
Ókimge sáıkes, QR Premer-Mınıstriniń basqarýyna ekonomıkalyq, qarjy, fıskaldyq jáne keden saıasatynyń, memlekettik bıýdjettiń, memleketaralyq qatynastar men halyqaralyq yntymaqtastyq, sheteldik ınvestıtsııalar tartý jáne ınvestıtsııalyq ahýaldy jaqsartýdyń strategııalyq máseleleri jáne basqa da máseleler kiredi.
QR Premer-Mınıstriniń orynbasary Qyrymbek Kósherbaevqa óńirlik saıasattyń jedel máseleleri men ekonomıkany jedel basqarý jáne óńirlik saıasat máseleleri bekitildi. Sondaı-aq, vıtse-premer agroónerkásiptik keshen, jer jáne sý qatynastary, qorshaǵan ortany qorǵaý, tabıǵı resýrstardy paıdalaný, qurylysty damytý jáne turǵyn úı-kommýnaldyq sharýashylyqty jańǵyrtý, kólik ınfraqurylymyn jáne logıstıkany damytý jáne basqa da máselelerge jetekshilik etedi.
Premer-Mınıstrdiń orynbasary Erbol Orynbaevtyń mindetine bilim berýdi, ǵylymdy, densaýlyq saqtaýdy, áleýmettik jańǵyrtýdy, áleýmettik saıasatty jáne áleýmettik áriptestikti, mádenıetti, sportty damytý máseleleri jáne t.b. máseleler aıqyndaldy.
QR Premer-Mınıstriniń orynbasary Qaırat Kelimbetov makroekonomıkalyq saıasat, bıýdjet saıasaty, memlekettik aktıvterdi basqarý máselelerin iske asyrady. Sonymen qatar Q.Kelimbetovtiń basqarýyna qarjy sektorynyń, salyq jáne keden saıasatynyń máseleleri jáne basqa da máseleler kiredi.
QR Premer-Mınıstriniń orynbasary - ındýstrııa jáne jańa tehnologııalar mınıstri Áset Isekeshevtiń mindetine Qazaqstan Respýblıkasyn údemeli ındýstrııalyq-ınnovatsııalyq damytý jónindegi 2010 - 2014 jyldarǵa arnalǵan memlekettik baǵdarlamany iske asyrý, uıymdar men memlekettik organdardyń taýarlardy, jumystar men qyzmetterdi satyp alýy kezinde qazaqstandyq qamtý úlesin ulǵaıtý jónindegi memlekettik saıasatty iske asyrý sondaı-aq, ónerkásipti, ınnovatsııalardy damytý, tehnıkalyq retteý, sheteldik ınvestıtsııalardy tartý jáne basqa da máseleler kiredi.
Ókimge sáıkes, mınıstrler men agenttikterdiń tóraǵalary ózderi basqaratyn memlekettik organdardyń Qazaqstan Respýblıkasynyń nátıjege baǵdarlanǵan memlekettik josparlaý júıesine sáıkes strategııalyq basymdyqtar men qujattardy iske asyrý jónindegi qyzmeti úshin derbes jaýapty bolady.
