ShUǴYL: Pleı-off: «Barys» alǵashqy oıynda «Traktordan» basym tústi
ASTANA. 21 aqpan. QazAqparat - Búgin Qurlyqtyq hokkeı lıgasynyń pleı-off syndary aıasynda alǵashqy oıyn ótkizgen astanalyq «Barys» klýby Chelıabi qalasynyń «Traktoryn» jeńdi.
Qyzyqty da tartysty ótken oıynnyń úsh kezeńinde de eki komanda bir-birine boı bermedi. «Barys» únemi alǵa shyqsa, «Traktor» qarymta shabýyldarmen jaýap berip otyrdy. Sońǵy kezeńde astanalyq hokkeı klýby 3:2 esebimen jeńip turdy. Alaıda oıynnyń aıaqtalýyna 2 mınýttaı qalǵan kezde, qarsylastar bir shaıbany salyp úlgerdi. Esep - 3:3. Osydan keıin tóreshiler overtaım retinde qosymsha 20 mınýttyq tórtinshi kezeńdi belgiledi. Onda da eki komanda biraz arpalysty. Sońǵy mınýttarda Roman Starchenkonyń alystan kózdegen tamasha soqqysy nátıjeli aıaqtaldy. Esep - 4:3. Sonymen Qurlyqtyq hokkeı lıgasynyń pleı-off syndary aıasyndaǵy alǵashqy oıynynda «Barys» komandasy jeńiske jetti.
Aıta ketken jón, pleı-off oıyndary kezinde komanda tórt márte jeńiske jetýi tıis. Sonda ǵana ol kelesi aınalymǵa ótedi. Ázirshe, «Barysta» bir upaı bar. Kelesi oıyn erteń, 22 aqpanda sol jerde - Chelıabi qalasynda ótedi.
