ShUǴYL: Para alǵan eńbek ınspektsııasynyń birneshe basshysy ustaldy - Qarjy polıtsııasy
ASTANA. 27 qańtar. QazAqparat - Qarjy polıtsııasynyń qyzmetkerleri kásipkerlerden para bopsalaǵan eńbek ınspektsııasynyń birneshe basshysyn qolǵa túsirdi.
2014 jylǵy 22 qańtarda Qarjy polıtsııasy agenttiginiń qyzmetkerleri qurylys montajdyq jumystardy júzege asyrý barysynda «Haıvıll» kompanııasynyń nysanynda bolǵan jazataıym oqıǵaǵa baılanysty tekserýdiń qorytyndysy boıynsha durys sheshim qabyldaý úshin kásiporyndardyń biriniń ókilinen 150 myń teńge kóleminde para alǵan Astana qalasy boıynsha eńbek ınspektsııasy basqarmasy basshysynyń orynbasary - Astana qalasy boıynsha bas eńbek memlekettik ınspektory Medetbekovty ustady.
Qazirgi ýaqytta oǵan qatysty para alý faktisi boıynsha qylmystyq isi qozǵalyp, 24 qańtar kúni Medetbekov sot sanktsııasymen qamaýǵa alyndy.
Birneshe basshy qatysqan osyndaı para alýdyń uqsas nobaıy boıynsha Qaraǵandy oblysy boıynsha eńbek ınspektsııasynda anyqtaldy.
Máselen, 23 qańtarda Qarjy polıtsııasy departamentiniń qyzmetkerleri Qaraǵandy oblysy eńbek ınspektsııasynyń basshysy M. Qarakekilevti, onyń orynbasary A. Maqatovty jáne Eńbek ınspektsııasynyń Qaraǵandy oblysy Jezqazǵan bóliminiń basshysy S, Áýezovti ustady.
Olar 2013 jyldyń qańtar aıynyń ortasynda «Kazaqmys korporatsııa» JShS jumyskerine baılanysty bolǵan jazataıym oqıǵaǵa jumys berýshiniń kináli degen qorytyndy sheshim shyǵarý úshin 2 myń AQSh dollary kóleminde para alǵan dep aıyptalýda.
23 qańtar kúni atalǵan laýazymdy azamattarǵa qatysty para alý faktisi boıynsha qylmystyq is qozǵaldy.
25 qańtarda M. Qarakekilev jáne S. Áýezov sot sanktsııasymen qamaýǵa alyndy.
Qylmystyq ister tergelýde, nátıjesi jurtshylyqqa jetkiziletin bolady, dep habarlady Qarjy polıtsııasynyń baspasóz qyzmetinen.
