ShUǴYL: Ózi-ózine qol jumsaǵan áskerı qyzmetshini osyndaı jaǵdaıǵa ıtermeleýi múmkin - QR Bas áskerı prokýratýrasy
ASTANA. 17 sáýir. QazAqparat - Almaty oblysynda áskerı qyzmetshiniń ólimi boıynsha qylmystyq is qozǵaldy, dep habarlady QR Bas áskerı prokýratýrasynyń baspasóz qyzmetinen.
Esterińizge sala keteıik, dúısenbi, 16 sáýir kúni Jolda júrý erejelerin oqytý synybynda QR ІІM Іshki áskeri №5514 áskerı bólimshesi avtotehnıkalyq qamtamasyz etý vzvodynyń 32 jastaǵy nusqaýshysy, serjant Baýyrjan Qaryqbaev ózin atyp óltirdi. Basyna atylǵan oq jaraqaty bar máıitti atalǵan bólimshede merzimdi qyzmetti ótkerip júrgen qatardaǵy sarbaz tapty. Almaty oblystyq prokýratýrasynyń málimetinshe, dál tıgen oq Makarov tapanshasynan atylǵan. Máıittiń janynan óler aldynda jazylǵan hat tabyldy.
Al, elimizdiń Bas áskerı prokýratýrasynyń naqtylaı túsýinshe, qaıǵyly oqıǵa 15 sáýirde saǵat 08.40 shamasynda Іshki áskerler komıtetiniń 5514 áskerı bóliminiń júrgizýshilerdi arnaıy daıarlaý synybynda oryn alǵan. Osy kúni Іshki ister mınıstrligi Ońtústik aımaqtyq áskerı-tergeý basqarmasynyń Taldyqorǵan bólimimen Qazaqstan Respýblıkasy Qylmystyq kodeksiniń 102-baby 1 bólimimen qarastyrylǵan qylmys boıynsha qylmystyq is qozǵalǵan (ózin-ózi óltirýge deıin jetkizý).
Іs boıynsha sot-medıtsınalyq saraptama jáne qaza tapqannyń tulǵasyn ólgennen keıingi sot psıhologııa-psıhıatrııalyq zertteý taǵaıyndalǵan. Tergeý júrgizilýde.
