ShUǴYL: «Obektilerdi salý úshin bastapqy materıaldardy jáne ruqsat beretin qujattardy resimdeý men berý tártibin ońaılatý jónindegi keıbir sharalar týraly» qaýlyǵa ózgertýler engizildi
ASTANA. 23 mamyr. QazAqparat - «Obektilerdi salý úshin bastapqy materıaldardy (derekterdi) jáne ruqsat beretin qujattardy resimdeý men berý tártibin ońaılatý jónindegi keıbir sharalar týraly» Qazaqstan Respýblıkasy Úkimetiniń qaýlysyna ózgerister engizildi.
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
Astana, Úkimet Úıi 2012 jyldyń 18 aqpanynan № 237 buıryq
«Obektilerdi salý úshin bastapqy materıaldardy (derekterdi) jáne ruqsat beretin qujattardy resimdeý men berý tártibin ońaılatý jónindegi keıbir sharalar týraly» Qazaqstan Respýblıkasy Úkimetiniń 2008 jylǵy 6 mamyrdaǵy № 425 qaýlysyna ózgerister engizý týraly
«Qazaqstan Respýblıkasynyń keıbir zańnamalyq aktilerine ruqsat berý júıesin jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń 2011 jylǵy 15 shildedegi Zańyna sáıkes Qazaqstan Respýblıkasynyń Úkimeti qaýly etedi:
1. «Obektilerdi salý úshin bastapqy materıaldardy (derekterdi) jáne ruqsat beretin qujattardy resimdeý men berý tártibin ońaılatý jónindegi keıbir sharalar týraly» Qazaqstan Respýblıkasy Úkimetiniń 2008 jylǵy 6 mamyrdaǵy № 425 qaýlysyna (Qazaqstan Respýblıkasynyń PÚAJ-y, 2008 j., № 24, 227-qujat) mynadaı ózgerister engizilsin:
1-tarmaqtyń 2) tarmaqshasy mynadaı redaktsııada jazylsyn:
«2) Ǵımarattardyń úı-jaılaryn (jekelegen bólikterin) salýǵa jáne qoldanystaǵylaryn qaıta jańartýǵa (qaıta josparlaýǵa, qaıta jabdyqtaýǵa) ruqsat beretin rásimderdi ótkizý qaǵıdalary bekitilsin.»;
kórsetilgen qaýlymen bekitilgen Qurylys obektilerin jobalaý úshin bastapqy materıaldardy (derekterdi) resimdeý jáne berý erejesi osy qaýlynyń 1-qosymshasyna sáıkes jańa redaktsııada jazylsyn;
kórsetilgen qaýlymen bekitilgen Jańa obektiler salýǵa jáne qoldanystaǵy obektilerdi ózgertýge ruqsat beretin rásimderdi ótkizý erejesi osy qaýlynyń 2-qosymshasyna sáıkes jańa redaktsııada jazylsyn.
2. Osy qaýly alǵash ret resmı jarııalanǵannan keıin jıyrma bir kúntizbelik kún ótken soń, biraq 2012 jyldyń 30 kańtarynan erte emes qoldanysqa engiziledi.
Qazaqstan Respýblıkasynyń Premer-Mınıstri K. MÁSІMOV.
Úkimettiń qaýlyǵa engizgen qosymshasy baspasózde jarııalandy.
