ShUǴYL: Mysyr eliniń prokýratýrasy H.Múbarakty ólim jazasyna kesýdi talap etti
ASTANA. 5 qańtar. QazAqparat - Mysyr eliniń Bas prokýratýrasy eldiń burynǵy prezıdenti Hosnı Múbarakty darǵa asý arqyly ólim jazasyna kesýdi talap etti. Dál osyndaı jazalaýdy ІІM-niń burynǵy basshysy Habıb al-Adlıge jáne onyń birqatar orynbasarlaryna qoldanýdy talap etilip otyr, dep habarlaıdy RBK.
Prokýror Mustafa Súleımannyń keltirgen aıyptaý nusqasy boıynsha, H.Múbarak jáne onyń úkimetiniń sheneýnikteri soǵys oqtaryn qoldanýǵa jáne beıbit túrde narazylyq bildirgen azamattardy atýǵa ruqsat bergen.
Aıyptaý tarabynyń pikirinshe, eldiń bıligi sherýshilerge 2011 jyldyń 27 qańtarynda oq atýǵa ruqsat bergen, bul «Qahar kúni» - 18 kúndik kóterilistiń eń kóp qan tógilgen kúni boldy. Bul áreket H.Múbarakty qyzmetinen ketýge májbúrledi.
Óz sózine aıyptaýshy aıǵaq dálelder retinde quqyq tártibi kúshteriniń sherýshilerge jasaǵan qııanatty isterin kórsetetin negizinen jańalyqtyq telebaǵdarlamalar jazbalaryn qosty.
H.Múbarak Mysyr eline 1981 jyldan bastap basshylyq etti. Ol qyzmetin 2011 jyldyń aqpan aıynda bolǵan buqaralyq qarsy shyǵý aktsııalarynan keıin qyzmetinen ketti. Olardy ótkizý kezinde sherýge shyǵýshylar men quqyq tártibi qyzmetkerleriniń soqtyǵysýy saldarynan 850-ge jýyq adam qaza tapty.
Mysyr eliniń burynǵy prezıdentine qatysty sot protsesi 2011 jylǵy jeltoqsannyń aıaǵynda, eki aılyq úzilisten keıin qaıta bastaldy. H.Múbarak sybpaılas jemqorlyq pen sherýshilerdi óltirýge qatystylyǵy boıynsha aıyptalady.
