ShUǴYL: Muhtar Ábilıazov Frantsııada ustaldy
ASTANA. 1 tamyz. QazAqparat - Muhtar Ábilıazovti 31 shildede Nıtstsadaǵy úıinde jasyrynyp jatqan jerinen Frantsııanyń arnaıy kúshteri ustady.
Ulybrıtanııalyq The Financial Times basylymy 31 shilde kúni Ábilıazov otbasynyń advokatyna silteme jasaı otyryp, onyń Reseıdiń tapsyrysy boıynsha ustalǵanyn habarlady.
Ábilıazov jetekshiilik etken BTA Bankiniń shotynda 15 mıllıardtan astam qarjynyń kem shyqqany belgili bolǵannan keıin, 2009 jyldan bastap Qazaqstan sot organdarynan jasyrynyp júr. M.Ábilázov osy qarjyny jymqyrdy dep aıyptaldy.
Qazirgi tańda oǵan Qazaqstanda aılakerlik jáne astyrtyn áreket jasaýmen BTA Bankiniń qarjysyn paıdalanǵany úshin, sondaı-aq uıymdasqan qylmystyq topty qurý jáne aqshany jylystatý faktileri boıynsha oǵan aıyp taǵylǵan. 2009 jyldyń naýryz aıynda Ábilázovti qamaýǵa alý jóninde halyqaralyq order berildi. Uqsas qylmystyq áreketteri úshin Ýkraına jáne Reseı bılikteri Ábilázovke jeke qamaýǵa alý jóninde order taǵaıyndady.
Sonymen qosa, Ábilázov qashyp júrgen Ulybrıtanııada BTA Bank oǵan qarsy azamattyq is uıymdastyrdy. Jaqynda Ulybrıtanııanyń Joǵarǵy Sotynyń sheshimi boıynsha M.Ábilıazovtiń 4 mıllıardqa jýyq aktıvterin bankke qaıtadan qaıtarý týraly qaýly etildi. Urlanǵan aktıvterdi jasyrý, tergeýshilikke kedergi keltirý faktileri boıynsha jáne sotty syılamaǵandyǵy úshin kináli dep tanylyp, jalpy uzaqtyǵy 22 aıǵa teń merzimge túrmege qamaýǵa alý týraly úkim shyǵarylǵannan keıin ol Ulybrıtanııadan qashyp ketti. Aqyrynda Ábilıazov osy sheshimge qarsy appelıatsııalyq shaǵym jasady, alaıda Ulybrıtanııanyń Joǵarǵy Sotymen qanaǵattandyrylmady.
