ShUǴYL: Meteorıttiń qulaýynan zardap shekkenderdiń sany 1,2 myń adamǵa jetti
ASTANA. 16 aqpan. QazAqparat - Chelıabi oblysynda meteorıttiń qulaýynan zardap shekkenderdiń sany 1,2 myń adamǵa artty,
dep habarlady Reseı Jańalyqtar agenttigi RF-nyń Tótenshe jaǵdaılar mınıstrligine silteme jasap.
«Shyny synyqtarynan 1145 adam jaraqattandy, sonyń 50-i emdeý mekemelerine jatqyzyldy. Oqıǵa saldarynan 2962 nysan zardap shekti, onyń 34-i densaýlyq saqtaý, 11-i áleýmettik qorǵaý mekemesi, 361-i mektep pen balabaqshalar», - delingen habarlamada.
Esterińizge sala keteıik, 15 aqpan kúni meteorıtti jańbyr Chelıabi, Túmen, Qorǵan jáne Sverdlov oblystarynda, sondaı-aq Qazaqstannyń soltústik óńirlerinde tirkeldi. Meteorıttiń qulaýynan keltirilgen materıaldyq shyǵyn aldyn ala jasalǵan boljam boıynsha, 1 mıllıard rýbldan (33,2 mln. dollar) asady.
