ShUǴYL: London soty BTA-bankiniń burynǵy basshysy M.Ábilázovtan 2,1 mlrd. dollar óndirip alýǵa sheshim shyǵardy
ASTANA. 24 qarasha. QazAqparat - Londonnyń Joǵarǵy soty «BTA banki» AQ-nyń (Qazaqstan Respýblıkasy) burynǵy basshysy Muhtar Ábilázovtan
keltirgen shyǵyndary úshin bank paıdasyna 2,1 mlrd. dollar kóleminde ótemaqy óndirip alý týraly qaýly shyǵardy. Bul aqparatty Bı-Bı-Sı taratty.
M.Ábilázov 2005-2009 jyldary aralyǵynda BTA bankin basqarǵan bolatyn. Mine osy ýaqytta 13 mlrd. dollar qaryzǵa belshesinen batqan bank bankrotqa ushyraǵan edi. Al qyzmetinen shettetilgen M.Ábilázov Ulybrıtanııaǵa boı tasalaǵan-dy. Qazaqstan quqyq qorǵaý organdarynyń aýdıti nátıjesinde M.Ábilázovqa, onyń orynbasary Jaqsylyq Jarymbetovke jáne banktiń birqatar qyzmetkerine qarsy qylmystyq is qozǵaldy.
Tergeý málimetterine qaraǵanda BTA banki dırektorlar keńesiniń burynǵy tóraǵasy ári ıesi M.Ábilázov basqarǵan halyqaralyq qylmystyq top 5 mlrd. dollardan astam qarjyny urlaǵan.
Al M.Ábilázovtiń aıtýynsha, ol oppozıtsııalyq partııany qarjylandyrǵany, ıaǵnı saıası syltaýmen qýdalanýda. 2011 jyly London oǵan saıası baspana berdi.
M.Ábilázovqa qatysty qylmystyq is Reseıde de qozǵalyp otyr. Tergeý barysynda onyń 2006 jyly BTA bankiniń múlkin urlaý maqsatynda qylmysty top qurǵandyǵy belgili boldy. 2010 jyly Máskeýdiń Tver aýdandyq soty ony tutqynǵa alý úshin syrttaı sanktsııa berdi.
Qashqyn bankırge bassaýǵa bolǵan London BTA bankiniń talap aryzy negizinde sotqa shaqyrǵan bolatyn. Alaıda sotqa qurmet kórsetpegeni úshin London Joǵarǵy soty bankırdi 22 aıǵa tutqynǵa alý sheshimin shyǵarǵan edi. Qazirgi ýaqytta M.Ábilázovtiń qaıda júrgendigi belgisiz.
