ShUǴYL: Qyrǵyzstannyń ońtústiginde bolǵan avıaapat saldarynan japa shekkenderdiń arasynda Qazaqstan azamattary joq - QR SІM
ASTANA. 28 jeltoqsan. QazAqparat - Qyrǵyzstannyń ońtústiginde bolǵan avıaapat saldarynan japa shekkenderdiń arasynda Qazaqstan azamattary joq.
Bul týraly QR SІM baspasóz hatshysy Іlııas Omarov málim etti.
Budan buryn habarlanǵandaı, Osh qalasynda «Qyrǵyzstan» avıakompanııasynyń ushaǵy jerge qonar kezde apatqa ushyraǵan edi. Aldyn ala málimet boıynsha, ushyqta 73 adam bolǵan.
Ushaq jerge qonarda joldan shyǵyp ketip, jantaıa qulaǵan. Sonyń saldarynan órt shyqqan.Tý-134 ushaǵy Bishkek-Osh baǵyty boıynsha reıs jasaǵan.
Apattyń saldarynan 2 adam japa shekken, olarǵa medıtsınalyq kómek kórsetildi. Qaza tapqandar joq. Qutqarýshalar jumysty jedel atqarý barysynda órtti sóndirip, adamdardy qaýipsiz aımaqqa kóshirgen.
Oqıǵanyń jaı-japsaryn anyqtaý úshin arnaıy komıssııa quryldy. Aldyn ala jasalǵan boljam boıynsha, apat aýa raıynyń qolaısyzdyǵynan bolǵan kórinedi.
