ShUǴYL: Qylmystyq toptyń «serkesi» Birikken Arab Ámirlikterinde ustaldy
ASTANA. 13 maýsym. QazAqparat - Uıymdasqan qylmystyq toptyń «serkesi», 48 jastaǵy qazaqstandyq azamat Birikken Arab Ámirlikteriniń polıtsııasymen Dýbaı qalasynda quryqtaldy.
Bul týraly búgin QR Іshki ister mınıstrliginde ótken dástúrli brıfıng barysynda vedomstvo baspasóz qyzmetiniń basshysy Nurdildá Oraz málim etti.
«Іshki ister mınıstrligi Krımınaldyq polıtsııa komıtetiniń izdestirý tapsyrmasyna sáıkes, «Interpol» Ulttyq ortalyq bıýrosynyń járdemimen Birikken Arab Ámirlikteriniń polıtsııasy halyqaralyq izdeýde júrgen 48 jastaǵy qazaqstandyqty Dýbaı qalasynda ustady. Qylmystyq toptyń «serkesi» bolyp tabylatyn qylmysker Taraz qalasyndaǵy bir seriktestiktiń dırektorynan iri kólemde aqsha bopsalaǵany úshin 2007 jyldan beri izdeýde júrgen bolatyn», - deıdi N. Oraz.
Onyń aıtýynsha, búgingi tańda ustalǵan qylmyskerdi elge ekstradıtsııalaý máselesi sheshilýde.
