ShUǴYL: Kýbanda bolǵan sý tasqynynda Qazaqstan týmasy qaza boldy
MÁSKEÝ. 11 shilde. QazAqparat - Qazaqstannyń Reseıdegi Elshiligindegi derekkózdiń habarlaýynsha, Kýbandaǵy sý tasqyny saldarynan qaza bolǵandardyń arasynan Qazaqstan azamattary anyqtalmady.
Degenmen, kóz jumǵandardyń tizimine Qazaqstanda týǵan bir áıel tirkelgen. Qazirgi ýaqytta egjeıli-tegjeıli málimetter RF-nyń quzyrly qyzmetteri arqyly naqtylanýda.
Buǵan deıin habarlanǵandaı, 7 shildege qaraǵan túni oryn alǵan tabıǵı apattyń saldarynan Krasnodar ólkesiniń 3 aýdany - Krym, Gelendjık jáne Novorossıısk sý astynda qaldy. 3 mýnıtsıpaldy eldi mekenniń aýmaǵynda tótenshe jaǵdaı rejımi engizildi. Bárinen kóp Krym men onyń shet aımaqtary zardap shekti, ol jerde qaza bolǵandardyń sany 149 adamdy qurady. Sonymen qatar Qara Teńiz jaǵalaýynyń kýrorttyq qalalary Gelendjık pen Novorossıısk zardap shekti.
Sársenbi kúni Reseıdiń TJ jónindegi mınıstri Vladımır Pýchkov málim etkendeı, Kýbanda qurban bolǵandardyń sany 171 adamǵa jetti. Ol sondaı-aq ózge qyzmetterdiń qaza bolǵan adamdardyń sanyna qatysty taratyp otyrǵan aqparattaryn orynsyz dep atady.
Óńirik jáne federaldy bılikter qaza bolǵandardyń otbasylaryna ótemaqy tóleýdi bastady, olardyń arasynda múlikterin joǵaltqandar da bar. Eldiń kóptegen aýdandarynan eriktiler kelýde, qalalarda Kýban turǵyndaryna gýmanıtarlyq kómek kórsetý boıynsha qarajat jınaý núkteleri uıymdastyryldy.
