ShUǴYL: QR UQK Almaty aýmaǵynda jasaýǵa daıyndalǵan lańkestik aktilerdiń aldyn aldy - Bas prokýratýra

2012 jylǵy 24 naýryzda Almaty qalasynyń aýmaǵynda jasaýǵa daıyndalǵan lańkestik aktilerdiń aldyn alǵandyǵy týraly habarlaıdy. Bul týraly Bas prokýratýranyń baspasóz qyzmetinen málim etti.

Josparlanǵan teraktilerdiń uıymdastyrýshysy 2009 jyldan bastap qazaqstandyq quqyq qorǵaý organdarynan shetelde jasyrynyp júrgen, 1975 jyly týylǵan Pavlov Aleksandr Vladımırovıch bolyp tabylady.

Pavlov 2005 jyldan bastap Qazaqstannyń quqyq qorǵaý organdarymen izdeý salynǵan BTA Banktiń burynǵy basshysy Muhtar Áblıazovtyń jeke kúzetin basqarady, onyń jeke qupııa tapsyrmalaryn oryndaýmen aınalysady.

Atap aıtqanda, Aleksandr Pavlov Mýhtar Ablıazovke BTA Banktiń qarjylaryn asa iri kólemde urlaýǵa kómek kórsetken, al 2009 jylǵy aqpanda Áblıazovtyń jeke muraǵatyn jáne BTA Banktiń Korporatıvtik bıznes basqarmasynyń kompıýterlerinen qatty dıskilerdi kóshirýdi uıymdastyrǵan, sodan soń ózi de Ulybrıtanııaǵa shyǵyp, búgingi kúnge deıin Qazaqstanǵa kirmegen.

2010 jylǵy sáýirde Pavlovqa qatysty bireýdiń senip tapsyrylǵan múlkin ıelenip alý nemese ysyrap etý faktisi boıynsha (QR QK 176 b. 3 t) qylmystyq is qozǵaldyn, al 2010 jylǵy tamyzda oǵan izdeý jarııalandy.

Onymen sóz baılasa otyryp «Alǵa» tirkelmegen partııasy basshylarynyń biri, Mýhtar Áblıazovtyń eń jaqyn senimdi tulǵalarynyń biri bolyp tabylatyn jáne shetelde turaqty turatyn Ketebaev Muratbek áreket etken.

Terrorızm jáne ekstremızm aktilerin uıymdastyrý jóninde josparlardy olar 2011 jylǵy qyrkúıekten beri oılastyryp kelgen.

2012 jylǵy naýryzdyń basynda olar ózderiniń sybaılastaryna Almaty qalasynyń qoǵamdyq jerlerinde, onyń ishinde saıabaqtar aımaǵynda jáne ákimshilik ǵımarattarynyń janynda jarylystar toptamasyn jasaýdy tapsyrǵan.

Atap aıtqanda, Pavlov oryndaýshyǵa Áýezov aýdanyndaǵy «Saryarqa» kınoteatrynyń artynda «Femelı» saıabaǵynda jarylysty uıymdastyrýdy, sondaı-aq jarylǵysh zattardy ál-Farabı dańǵylyndaǵy jaıaý júrginshiler ótpelerinde ornalastyrýdy tapsyrǵan.

Lańkestik aktilerdi uıymdastyrý úshin Pavlov 25 myń AQSh dollary kóleminde aqshalaı qarajat bólgen, onyń 15 myń dollary oryndaýshyǵa berilgen. Qalǵan 10 myń dollaryn teraktiler jasalǵannan keıin berý josparlanǵan.

Jedel-tergeý sharalarynyń barysynda terrorızmniń negizgi maqsaty retinde halyqty qorqytý, alasapyran men dúrbeleń jaǵdaıyn týdyrý, eldegi qoǵamdyq-saıası jaǵdaıdy turaqsyzdandyrý bolǵandyǵy anyqtaldy.

Atalǵan fakti boıynsha Qazaqstan Respýblıkasy Qylmystyq kodeksiniń 233-babynyń 1-tarmaǵy («Terrorızm») boıynsha qylmystyq is qozǵalyp, tergelýde.

Tergeý aıasynda quqyq qorǵaý organdaryna joǵaryda atalǵan tulǵalardyń sheteldikterdi qosa alǵanda radıkaldy ustanymdaǵy dinı toptardyń ókilderimen Qazaqstanda terrorıstik aktilerdi birlesip jasaý, sondaı-aq dinaralyq jáne ultaralyq turǵyda qaqtyǵystar týdyrý maqsatynda baılanys ornatý áreketteri týraly aqparat kelip tústi.

Tergeý júrgizilýde. Birqatar tulǵalar qazirgi kezde ustaldy jáne kinálaryn moıyndap aıǵaq berýde.

Basqa aqparat tergeýdiń múddesinde jarııalanbaıdy.