ShUǴYL: QR TJM Almatyda soqqan daýyl saldarlaryn joıýda
ASTANA. 27 maýsym. QazAqparat - «Qazgıdromet» RMK málimetteri boıynsha, 2011 jyldyń 27 maýsymy kúni kúndizgi saǵat 14.20-da Almaty qalasynyń aýmaǵynda burshaq aralas jańbyr jaýyp, sekýndyna 11 metr jyldamdyqpen jel soqty.
Sonyń saldarynan 12 shaǵyn stantsııanyń jumysy isten shyǵyp, kóptegen elektr jelileri úzildi. Bostandyq, Almaly jáne Áýezov aýdandaryndaǵy tutynýshylar jaryqsyz qaldy. Qazirgi tańda qalpyna keltirý jumystary júrgizilip jatyr, dep habarlaıdy QR TJM baspasóz qyzmeti.
16 aýla men úıdi sý basqan. Oqıǵanyń zardabyn joıýǵa Almaty qalasy tótenshe jaǵdaılar departamenti órt sóndirý bóliminiń kúshi men quraly jumyldyryldy.
Qala boıynsha 5 mashınaǵa aǵash qulap, kóshedegi jaıaý júrginshi júretin jol bólikterine 14 aǵash qulaǵan, 6 ǵımarattyń shatyry ushqan.
Almaty qalasy avtojoly- Іli Alataýyndaǵy Medeý bógetine 30 aǵash qulaǵan. QR TJM «Qazaýylqorǵaý» MÝ brıgadasynyń 11 qyzmetkeri men 3 tehnıkasy joldy tazalap jatyr.
Al Almaty qalasynyń ózinde qalalyq tótenshe jaǵdaılar departamenti men jergilikti atqarýshy organ kommýnaldyq qyzmetteri turǵyn úı aýlalaryn jáne joldardy tazartýda.
