ShUǴYL: QR SІM Ýkraınada apatqa ushyraǵan ushaqta qazaqstandyqtardyń bar-joǵyn anyqtaýda
ASTANA. QazAqparat - QR SІM respýblıka azamattarynyń Ýkraınada apatqa ushyraǵan Malaızııa avıajelileriniń ushaǵy bortynda bolǵan-bolmaǵandyǵyn anyqtaýda.
«Ýkraınanyń shyǵysynda Malaızııa avıajelileri ushaǵynyń apatqa ushyraýy saldarynan qaza bolǵandardyń otbasylary men jaqyndaryna qatty qaıǵyryp kóńil aıtamyz», - delingen QR SІM Twitter-degi resmı paraǵynda.
«Bolǵan oqıǵaǵa tereń alańdaýylyq bildiremiz. Oqıǵanyń barlyq mán-jaıy anyqtalyp, muqııat tekserilýi tıis dep sanaımyz», - dep atap ótilgen málimdemede. «Biz QR azamattarynyń ushaq bortynda bolǵandyǵyn nemese bolmaǵandyǵyn anyqtaýmen aınalysýdamyz jáne bul aqparatty alǵan boıda shuǵyl usynamyz», - delingen onda.
QR SІM taǵy da Ýkraınanyń shyǵysyndaǵy teketireske tartylǵan barlyq taraptardy urysty tezirek toqtatýǵa jáne qaıshylyqtardy beıbit jolmen sheshýdiń jolyn tabýǵa shaqyrdy.
Habarlanǵandaı, Ýkraına aýmaǵynda reseı shekarasyna taıaý jerde malaızııalyq avıajelilerdiń Boeing 777 ushaǵy apatqa ushyrady. Áýe kemesiniń bortynda 280 jolaýshy bolǵan. Olardyń bári de qazaǵa ushyrady. Sondaı-aq ekıpajdyń 15 múshesiniń de mert bolǵany habarlandy.
Amsterdam-Kýala-Lýmpýr reısin atqarǵan ushaq RF áýe keńistigine kirýge 50 shaqyrym qalǵanda tómendeı bastaǵan, odan keıin onyń Ýkraına aýmaǵyndaǵy jerde órtenip jatqany anyqtalǵan.
