ShUǴYL: QR SІM Qazaqstannyń Germanııadaǵy Bas konsýldyǵynyń qyzmetkerin ustaý faktisin rastady

«QR SІM Maındaǵy-Frankfýrttegi Qazaqstan bas konsýldyǵynyń qyzmetkerin ustaý faktisin rastaıdy», - dep málimdedi QR SІM resmı ókili Janbolat Úsenov.

Onyń aıtýynsha, Qazaqstan men Germanııa seriktestiktiń keń spektri boıynsha, onyń ishinde qylmyspen kúres, kontrabandamen kúres salasy negizinde qyzmettesedi. «Osyndaı negizde qazirgi tańda biz nemis áriptesterimizben birlesip, jaǵdaıdyń anyq-qanyǵyn anyqtaý úshin jumys isteýdemiz», dep aqparattandyrdy QR SІM resmı ókili.

Bild nemis basylymy buryn habarlaǵandaı, Germanııa quqyq qorǵaý organdary Qazaqstannyń bas konsýly Ahat Alpysbaevty jáne onyń kómekshisin Maındaǵy-Frankfýrtte ustady. Qazaqstannyń bas konsýly temeki kontrabandasymen aınalysqan degen kúdikpen aıyptalýda. Jedel qyzmetkerler birneshe apta boıy A.Alpysbaevtyń izine túsip, artynan ony ustaý operatsııasyn júrgizdi. Sot, sondaı-aq, bas konsýldy qamaýǵa alý sanktsııasyn jarııalady, dep habarlaıdy basylym.