ShUǴYL: QR SІM qazaqstandyqtardan Mysyrǵa sapar shekpeýdi suraıdy
ASTANA. 15 tamyz. QazAqparat - Mysyr elindegi ishki saıası ahýaldyń nasharlaýyna jáne iri qalalardaǵy oryn alyp jatqan jappaı qaqtyǵystarǵa baılanysty QR Syrtqy ister mınıstrligi qazaqstandyqtarǵa bul elge barmaýdy eskertedi. Bul jóninde búgin ótken brıfıngte vedomstvonyń baspasóz hatshysy Nurjan Aıtmahanov málim etti.
«Kóptegen adamdardyń qaza tabýyna ákep soqqan Mysyrdaǵy qandy qaqtyǵystarǵa oraı Qazaqstan alańdaýshylyq bildirýde. Qazaqstan úshin Mysyr arab álemindegi jáne Afrıka qurlyǵyndaǵy mańyzdy syrtqy saıası áriptes bolyp tabylady»,- dep atap ótti N.Aıtmahanov.
Eki el arasyndaǵy tarıhı jáne rýhanı baılanysty umytpaý qajet ekenin eske sala kele, vedomstvo ókili elimizdiń Mysyrdyń ýaqytsha úkimetimen qarym-qatynas ornatýǵa barynsha kúsh salatynyn jetkizdi.
Mysyrdaǵy ishki saıası ahýaldyń nasharlaýyna jáne iri qalalarda oryn alǵan qaqtyǵystarǵa oraı QR Syrtqy ister mınıstrligi Qazaqstannyń azamattaryna Kaır, Aleksandrııa, Sýets, Lýksor sııaqty úlken qalalarǵa saparlamaýǵa shaqyrady.
«QR Mysyrdaǵy elshiligi atalǵan elde turyp jatqan qazaqstandyq azamattar men onyń ishinde stýdenttermen profılaktıkalyq túsindirý jumystaryn júrgizip, eldiń ýaqytsha úkimeti ornatqan 15 tamyz ben 14 qyrkúıek aralyǵyndaǵy komendanttyq saǵatty qatań túrde ustanýdyń qajettigin eskertedi. Sonymen qatar Mysyrdaǵy qazaqstandyq azamattardy adamdar kóp shoǵyrlanǵan jerlerge barmaýyn qatań túrde suraıdy. Qazaqstannyń Mysyrdaǵy elshiligi qajet bolǵan jaǵdaıda der kezinde kómek kórsetý úshin demalys kezinde dıplomattardyń kezekshiligin ornatqan», - dedi N. Aıtmahanov.
