ShUǴYL: QR Prezıdentiniń Belarýs Respýblıkasyna sapary aıasynda BELTA men QazAqparat aqparat almasý jóninde kelisimge qol qoıdy
MINSK-ASTANA. 14 mamyr. QazAqparat - «Belarýs telegraftyq agenttigi» (BELTA) Respýblıkalyq ýnıtarlyq kásiporny jáne «Qazaq aqparat agenttigi» Ulttyq kompanııasy» aktsıonerlik qoǵamy (QazAqparat) aqparattarmen almasý jónindegi kelisimge qol qoıdy, bul týraly BELTA habarlady.
Qujatqa búgin, aqparattyq-taldaý múmkindikterdi keńeıtý jáne baıytý, eki elde bolyp jatqan oqıǵalar týraly aqparattarmen úzdiksiz almasýdy ornyqtyrý maqsatynda, Belarýs telegraftyq agenttiginde BELTA-nyń bas dırektory Dmıtrıı Jýk pen «QazAqparat» AQ-nyń basqarma tóraǵasy Dáýren Dııarov qol qoıdy.
Dáýren Dııarov atap kórsetkendeı, QazAqparat pen BELTA uzaq jyldar boıy tyǵyz qarym-qatynasta jumys istep keledi jáne aqparattarmen almasý jónindegi kelisimge qol qoıý formaldyq úshin ǵana qajetti. «Belarýs pen Qazaqstan qarym-qatynastardyń BAQ salasynda ǵana emes, ózge de baǵyttar boıynsha damýyna múddeli, buǵan Qazaqstan Prezıdenti Nursultan Nazarbaevtyń Belarýsqa sapary dálel. Belarýs Qazaqstan úshin - Eýropaǵa alyp barar jol», - dedi D.Dııarov. Ol sondaı-aq eki agenttiktiń yqpaldastyǵy odan ári tyǵyz bola túsetindigine senimin bildirdi.
Óz kezeginde Dmıtrıı Jýk, agenttikterdiń yqpaldastyǵynda ekonomıkalyq aqparattarǵa basymdyq beriletindigin atap ótti. «BELTA-nyń ekonomıkalyq jańalyqtarynyń arqasynda qazaqstandyq bıznes belarýs ekonomıkasynyń Kedendik odaq ashyp otyrǵan - jańa kókjıekteri men múmkindikterin ashady dep oılaımyn. Agenttigimizdiń aqparatynyń arqasynda belarýstyń shekara jáne kedendik ınfraqurylymy qazaqstandyqtar úshin anaǵurlym túsinikti bola túsedi, al búgin joǵary deńgeıde qol jetkizilgen ekonomıkalyq saladaǵy kelisimderdiń júzege asyrylýy - anaǵurlym jyldam ári tıimdi bolady dep senemin», - dedi D.Jýk.
Aqparattarmen almasý jónindegi kelisim agenttikterge ishki jáne halyqaralyq ómirdegi ózekti oqıǵalar týraly orys jáne aǵylshyn tilderinde naqtylanǵan shuǵyl aqparattyq materıaldarmen únemi almasyp turýǵa múmkindik beredi. Agenttikter aqparat kózine silteme jasaı otyryp, alynǵan materıaldardy óz elderiniń aýmaǵynda kez kelgen ádispen taratýǵa quqyly.
Sondaı-aq BELTA men QazAqparat memleket basshylarynyń, óz elderiniń resmı delegatsııalarynyń saparlaryn, sondaı-aq Belarýs pen Qazaqstan aýmaǵynda ótkiziletin ózge de memleketaralyq aktsııalar men is-sharalardy uıymdastyrýda jáne aqparattyq qoldaýdy qamtamasyz etýde yqpaldasýǵa nıetti. Buqaralyq aqparat quraldary salasynda úzdik tájirıbelerdi úırený jáne biliktilikti arttyrý maqsatynda jýrnalıstermen, fototilshilermen jáne ózge de mamandarmen almasý quptalady. Agenttikter óz elderiniń aýmaǵynda akkredıtatsııadan ótken jýrnalısterge jáne fototilshilerge kásibı qyzmetterin atqarý barysynda uıymdastyrýshylyq jáne tehnıkalyq qoldaýlar bildirýge nıetti.
