ShUǴYL: QR MAM-niń jańa vıtse-mınıstri taǵaıyndaldy
ASTANA. 16 aqpan. QazAqparat - Búgin Mádenıet jáne aqparat mınıstri Darhan Myńbaı ujymǵa QR Úkimetiniń qaýlysymen taǵaıyndalǵan jańa vıtse-mınıstr Arman Qyryqbaevty tanystyrdy.
Mádenıet jáne aqparat vıtse-mınıstri Asqar Bóribaev óziniń qyzmetinde qaldy.
Qyryqbaev Arman Orazbaıuly, 1976 jyly týǵan. Eki joǵary bilimi bar. Qazaq memlekettik basqarý akademııasy men QR Syrtqy ister mınıstrliginiń Dıplomatııalyq akademııasyn bitirgen. Biliktiligi boıynsha halyqaralyq ekonomıst, halyqaralyq qatynastar salasynyń mamany.
Eńbek jolyn 1997 jyly QR Syrtqy ister mınıstrliginde referent bolyp bastaǵan. Sodan keıin Qazaqstan Respýblıkasynyń Ózbekstandaǵy Elshiliginde attashe, úshinshi hatshy, TMD Komıtetiniń Ortalyq Azııa jáne Kavkaz elderi bóliminiń ekinshi hatshysy qyzmetterin atqardy. Medeý aýdany ákiminiń orynbasary, Almaty qalasynyń jastar saıasatyn damytý memlekettik qorynyń dırektory boldy. Sońǵy kezde QR Mádenıet jáne aqparat mınıstrligi Mádenıet komıtetiniń tóraǵasy bolyp jumys istedi.
2010 jyldyń 11 qańtarynnan bastap Qaraǵandy oblysy ákiminiń orynbasary boldy.
