ShUǴYL: QR QM Kedendik baqylaý komıtetiniń jańa basshysy qyzmetine Májıt Esenbaev taǵaıyndaldy
ASTANA. 2 aqpan. QazAqparat - QR Premer-Mınıstri Kárim Másimov Qarjy mınıstrliginiń Kedendik baqylaý komıteti ujymyna jańa basshy - Májıt Esenbaevty tanystyrdy.
Májıt Tóleýbekuly Esenbaev 1949 jyly Pavlodarda týǵan. V.I.Lenın atyndaǵy Qazaq polıtehnıkalyq ınstıtýtyn bitirgen. Mamandyǵy boıynsha ekonomıst. Ekonomıka ǵylymdarynyń kandıdaty, dotsent.
Eńbek jolyn Qazaq KSR Memlekettik josparlaý komıteti janyndaǵy normatıvterdi josparlaý jónindegi ǵylymı-zertteý ınstıtýtynyń ekonomısi, halyq depýtattary Qaraǵandy oblystyq keńesi atqarý komıtetiniń bas josparlaý-ekonomıka basqarmasy bastyǵynyń orynbasary, halyq depýtattary Qaraǵandy oblystyq keńesi atqarý komıteti tóraǵasynyń orynbasary bolyp bastady.
Budan keıin eńbek qyzmetin QR Memlekettik salyq komıtetiniń tóraǵasy bolyp jalǵastyrdy.
1997 jyldan Qaraǵandy oblysynyń ákimi.
1999 jyldan QR Qarjy mınıstri.
2002 jyldan QR ekonomıka jáne saýda mınıstri, keıinirek - QR ındýstrııa jáne saýda mınıstri bolyp taǵaıyndaldy.
2003 jyldan - QR Prezıdentiniń kómekshisi.
2004-2008 jyldary - Aqmola oblysynyń ákimi.
2008 jyldan osy kezge deıin Qazaqstan Respýblıkasynyń Básekelestiktikti qorǵaý agenttiginiń (Monopolııaǵa qarsy agenttik) tóraǵasy boldy.
