ShUǴYL: QR Qarjy polıtsııasy burynǵy bilim vıtse-mınıstri Shaıahmetovke qatysty qylmystyq isti tergeýdi aıaqtady
ASTANA. 11 qarasha. QazAqparat - Aǵymdaǵy jylǵy 1 qarashada Qarjy polıtsııasy agenttigi Qazaqstan Respýblıkasynyń bilim jáne ǵylym vıtse-mınıstri S.Shaıahmetovke qatysty qylmystyq istiń tergeýin aıaqtady.
Bul týraly qarjy polıtsııasynyń baspasóz habarlamasynan málim boldy.
Oǵan Óskemen qalasyndaǵy 700 oryndyq bilim berý mekemesiniń qurylysy barysynda qyzmettik ókilettigin teris paıdalanyp, bıýdjetke 1,1 mlrd. teńge zalal keltirdi degen aıyp taǵylýda.
«Salynyp jatqan QR bilim jáne ǵylym nysandary dırektsııasy» JShS bas dırektory A.Pakke, «ZAK Servıs» JShS burynǵy bas dırektory R.Kıreevke jáne atalǵan kásiporynnyń qazirgi dırektory A.Týtýbalınge alaıaqtyq jolmen atalǵan bıýdjet qarajatyn urlady degen aıyp taǵyldy.
Búgingi kúni aıyptalýshylar men olardyń qorǵaýshylaryn qylmystyq is materıaldarymen tanystyrý protsedýrasy júrgizilýde.
