ShUǴYL: QR Bas prokýrorynyń birinshi orynbasary Alma Shalabaevanyń sottalǵany týraly jarııalanymdy jańsaqtyq dep atady
Qazaqstan Respýblıkasy Bas prokýrorynyń birinshi orynbasary I.Merkel taratylǵan hatta bylaı dep habarlady:
«2013 jylǵy 7 maýsymda buqaralyq baspasóz quraldarynda Muhtar Ábilázovtiń zaıyby - Alma Shalabaevanyń sottalǵany týraly shyndyqqa janaspaıtyn aqparat taraldy. Bul arada meniń sózimdi qate túsindirýmen baılanysty jańsaqtyq týraly habarlaımyn.
Aqparattyń qate taratylýyn boldyrmaý maqsatynda A.Shalabaevanyń protsessýaldyq mártebesimen baılanysty jaǵdaıdy qaıtalap túsindiremin.
A.Shalabaevanyń 2012 jylǵy 6 qazanda anyqtalǵan birqatar adamdarǵa para berý arqyly ulttyq tólqujattardy zańsyz ázirleý men onyń berilýi faktisine shyn máninde qatystylyǵy, sonyń ishinde Shalabaevanyń ol kezde Qazaqstan Respýblıkasynda naqty bolmaýy tekserilýde.
Osy jylǵy 4 maýsymda osy fakti boıynsha Atyraý qalasy kósh-qon polıtsııasy men ádilet basqarmasynyń laýazymdy tulǵalaryna qatysty, sonyń ishinde Qylmystyq kodekstiń 314-babymen (qyzmettik jalǵan qujat jasaý) aıyptaý qorytyndysy shyqty. Úkim zańdy kúshine engen joq.
Qazirgi kezde A.Shalabaevadan Almaty qalasynan eshqaıda ketpeý týraly qolhat alyndy, oǵan aıyptaý taǵaıyndalǵan joq. Tıisinshe, ol sottalǵan joq.
Almaty qalasy onyń qalaýy boıynsha tańdaldy, tekserý aıaqtalǵansha tergeýshilerdiń kelisimimen ǵana onyń sheginen kete alady.
Qazirgi kezde zańsyz áreketter jóninde A.Shalabaevadan ótinish pen shaǵym túsken joq.
A.Shalabaeva Qazaqstan Respýblıkasynyń Konstıtýtsııasynda, sondaı-aq qylmystyq-protsessýaldyq zańnamada kózdelgen barlyq quqyqtardy paıdalanady, sonyń ishinde qylmystyq qýdaǵalaý organdarynyń áreketterine prokýratýraǵa nemese sotqa shaǵymdana alady».
