ShUǴYL: «Kórkem» TK-de zardap shekkenderdiń sany 18-ge jetti
ASTANA. QazAqparat - Búgin tańerteń metall qurylǵysy qulaýy saldarynan «Kórkem» turǵyn úı keshenindegi barlyq qurylys jumystary 2 kúnge toqtatyldy.
Bul týraly QazAqparat tilshisine nysan qyzmetkerleri habarlady.
Olardyń aıtýynsha, jumystardy 2 kún toqtatý týraly sheshimdi qurylys kompanııasynyń basshylyǵy aıtqan. Osy ýaqyt aralyǵynda metall qurylǵylardyń ne sebepti qulaǵany anyqtalatyn bolady. Oqıǵa ornynda Astana qalasynyń ІІD, TJD qyzmetkerleri tekseris júrgizýde. Sondaı-aq, Esil aýdandyq prokýratýra qyzmetkerleri de osynda.
Aldyn ala málimetter boıynsha, zardap shekkender sany 18-ge jetti, barlyǵy QR azamattary. Bul týraly Astana qalasy TJD baspasóz qyzmetinen habarlady. Olar túrli dene jaraqattarymen Astana qalasynyń aýrýhanalaryna jetkizildi, ekeýi - aýyl halde. Aıta ketý kerek, «Kórkem» turǵyn úı keshenin Aybin constraction group kompanııasy salyp jatyr. Kompanııa ókilderi de ázirshe oqıǵaǵa baılanysty naqty málimetterdi bere almaıtyndaryn alǵa tartýda.
