ShUǴYL: Kóktaıǵaqqa baılanysty respýblıkalyq mańyzy bar avtojoldarda kólik qozǵalysy shekteldi
ASTANA. 22 qarasha. QazAqparat - Kóktaıǵaqqa baılanysty respýblıkalyq mańyzy bar avtojoldarda kólik qozǵalysyna shekteý qoıyldy. Bul týraly «Qazaqavtojol» RMK-nyń baspasóz qyzmeti habarlady.
Atap aıtqanda, Pavlodar oblysy aımaǵy boıynsha saǵat 17.00-den bastap aýa raıynyń qolaısyzdyǵyna baılanysty (kóktaıǵaq) «Qyzylorda-Pavlodar» (1205-1367 km) avtojolynyń «Shiderti- Aqsý» ýchaskesinde avtokóliktiń barlyq túrleriniń jolǵa shyǵýyna tyıym salyndy.
Al Qaraǵandy oblysy boıynsha saǵat 17.30-dan bastap Pavlodar oblysynyń joldaryndaǵy shekteýlerge baılanysty (kóktaıǵaq) «Qyzylorda-Pavlodar» (1069-1135 km) avtojolynyń «Molodejnyı-Pavlodar obl. shekara» ýchaskesinde avtokóliktiń barlyq túrleriniń jol qozǵalysyna shekteý qoıyldy.
Atalǵan jolda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777; Pavlodar oblysy boıynsha 8 (7182) 57-09-44; Qaraǵandy oblysy boıynsha 8 (7212) 77-25-54 telefondary arqyly málimet alýǵa bolady.
