ShUǴYL: Kókshetaýda jol-kólik oqıǵasy saldarynan oblystyq qarjy polıtsııasynyń 2 qyzmetkeri qaza taýyp, ekeýi jaraqat aldy
ASTANA. 21 shilde. QazAqparat /Marlan Jıembaı/ - Kókshetaýda jol-kólik oqıǵasy saldarynan Aqmola oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń 2 qyzmetkeri qaza taýyp, taǵy ekeýi jaraqat aldy.
Bul týraly QazAqparat tilshisine oblystyq ishki ister departamentiniń baspasóz qyzmetinen habarlady.
Aqmola oblystyq ІІD baspasóz qyzmetiniń ókili Ásem Ábdirahmanovanyń aıtýynsha, qaıǵyly oqıǵa 21 shildege qaraǵan túni Kókshetaý qalasyndaǵy Súleımenov kóshesinde oryn alǵan. Oqıǵa ornynda kóliktegi jolaýshylardyń biri qaza tapsa, aýrýhanaǵa jetkizilgennen keıin taǵy bir adam kóz jumǵan. Taǵy eki adam túrli dene jaraqattarymen aýrýhanaǵa jetkizilgen. «BMV kóliginiń 1986 jyly týǵan júrgizýshisi Súleımenov kóshesimen soltústik baǵytta kele jatyp, rólge ıe bola almaı qalǵan. Sonyń nátıjesinde kólik jol jıegine shyǵyp, kóshe shamdarynyń 3 baǵanyna soǵylǵan», - dedi ol.
Onyń atap ótýinshe, jol-kólik oqıǵasyna dýshar bolǵan barlyq azamattar qarjy polıtsııasynyń qyzmetkerleri.
